Kecha, "Toshkent derbisi" haqida bafurja gaplashgan edik. Bugun "Qashqadaryo derbisi"ga to'xtalib o'tamiz.

Malumki, yakuniga etgan chempionatimiz oliy ligasida Qashqadaryo viloyatining 3 ta jamoasi ishtirok etdi. Qarshining "Nasaf" jamoasi yakunda kumush medal sohibiga aylangan bo'lsa, Muborakning "Mashal" klubi marraga sakkinchi bo'lib etib keldi. G'uzorning "Sho'rtan" jamoasi muvaffaqiyatsizlikka uchrab, 2018 yildan boshlanadigan superliga bahslarida ishtirok etish huquqidan mahrum bo'ldi. Jamoa yakunda 14-o'rin bilan kifoyalanishga majbur bo'ldi.

"Toshkent derbisi"dan farqli ravishda "Qashqadaryo derbisi" ishtirokchilari orasidagi farq sezilarli darajada ekanligi, ularning o'zaro o'yinlari natijalarida ham o'z aksini topdi. Avvalo jamoalar o'rtasidagi bahslarga to'xtalib o'tamiz:

3-tur	18mart	shanba	Sho'rtan-Mashal	0:2
11-tur	18 may	payshanba	Nasaf- Mashal	1:0
13-tur	15iyun	payshanba	Sho'rtan-Nasaf	1:2
18-tur	19avgust	shanba	Mashal- Sho'rtan	4:0
26-tur	26oktyabr	payshanba	Mashal -Nasaf	1:2
28-tur	9noyabr	payshanba	Sho'rtan-Nasaf	0:3

Etibor bersangiz, Ro'ziqul Berdiev boshchiligidagi "Nasaf" jamoasi derbidagi barcha uchrashuvlarda g'alaba qozonishga muvaffaq bo'lgan. To'rtta o'yinda to'rtta g'alabaga erishgan "ajdarlar" raqib darvozabonlarini 8 marta xafa qilib, o'z darvozasidan bor yo'g'i 2 ta to'p o'tkazib yuborgan (+6). Etiborlisi qarshiliklar o'z maydonidagi bellashuvlarda raqib darvozasiga 4 ta gol urib, o'z darvozasi dahlsizligini saqlab qolgan. Ular 11-turda "Mashal"ni 1:0 hisobida taslim qilgan bo'lsa, 28-turdan o'rin olgan "Sho'rtan"ga qarshi bahsda g'uzorliklar darvozasiga javobsiz 3 ta gol urishni uddasidan chiqishgan. Safardagi 2 ta bellashuvda esa har ikki raqibini ham bir xil 2:1 hisobida taslim etgan (13-turda "Sho'rtan" va 26-turda "Mashal").

Muborakning "Mashal" klubi esa derbi bahslarida "Nasaf"ga har ikki o'yinda mag'lub bo'lgan bo'lsa (safarda 1:0 (11-tur), 26-turda o'z maydonida 1:2), "Sho'rtan"ga qarshi o'tgan bellashuvlarda g'alabani tantana qilgan. 3-tur doirasida o'tgan safardagi o'yinda 2:0 hisobida g'alabaga erishgan A.Xomyakov shogirdlari, 18-turdan o'rin olgan Muborakdagi bahsda raqib darvozasiga javobsiz to'rtta gol urishga muvaffaq bo'lgan. Derbi doirasida o'tkazilgan bahslarda "gazchilar" 7 ta gol urib, o'z darvozasidan 3 ta to'p olib chiqqan (+4).

Yakuniy natijasidan qatiy nazar FIFA tomonidan oliy ligadan chetlatilgan G'uzorning "Sho'rtan" jamoasi Qashqadaryo jamoalari orasida eng kuchsizi bo'lib chiqdi. G'uzorliklar derbi doirasida o'tkazilgan 4 ta bahsda ham mag'lubiyatga uchradi. To'plar nisbati ham havas qiladigan darajada emas. 1:11 (-10). Jamoa tomonidan urilgan yagona gol Igor Taran nomiga yozilgan bo'lib, u viloyat peshqadami "Nasaf"ga qarshi bahsda raqib posbonini xafa qilishga muyassar bo'lgan.

O'zaro o'yinlardan keyingi turnir jadvali esa qo'yidagicha ko'rinish olgan:

#	Jamoalar	O'	YU	D	M	T-N	+/-	O
1	Nasaf	4	4	0	0	8-2	6	12
2	Mashal	4	2	0	2	7-3	4	6
3	Sho'rtan	4	0	0	4	1-11	-10	0

"Qashqadaryo derbisi"ning umimiy statistikasiga to'xtaladigan bo'lsak, o'tkazilgan 6 ta bellashuvning barchasida u yoki bu jamoa g'alabaga erishgan, yani jamoalar durangga rozi bo'lmagan. 6 ta bahsning 3 tasida mezbonlar g'alaba qozongan bo'lsa, yana shunchasida mehmonlar uylariga 3 ochko bilan qaytgan.

O'tkazilgan 6 ta o'yinda darvozalarga 16 ta gol kiritildi. Urilgan gollarning 10 tasi mezbonlar hisobiga to'g'ri kelgan. O'z-o'zidan 6 ta gol mehmonlar hisobiga yozilgan.

Gollarning 3 tasi penaltidan kiritilgan. 11 metrlik nuqtadan "Mashal" vakillari Sardor Rahmonov va Kenja To'raev, shuningdek, "Nasaf" hujumchisi Shahboz Erkinovlar gol kiritishga muvaffaq bo'lgan. Derbida qayd etilgan eng yirik hisob "Mashal"-"Sho'rtan" bahsida sodir bo'lgan. O'sha kuni mezbonlar mehmonlarni 4 ta gol bilan siylagan (4:0).
"Qashqadaryo derbi"si to'purarlari haqida to'xtaladigan bo'lsak, birdaniga 3 ta o'yinchi hisobida 2 tadan gol mavjud. Bular "Nasaf"dan Dragan Cheran, Shahboz Erkinov va "Mashal" azosi Humoyun Murtozoevlardir.

Shuningdek, "Nasaf" o'yinchilari I.Rashidhonov, B.Abdurahimov, D.Narzullaev, Bobur Abduxoliqov, "Mashal"dan I.Shoyqulov, K.To'raev, SH.Shaymanov, S.Rahmonov, Z.To'raev va "Sho'rtan" hujumchisi I.Taran hisobiga bittadan gol yozilgan.

Oliy liga-2017 yakunlari. "Toshkent derbisi"da kim kuchli?

Oliy liga-2017 yakunlari. "Qashqadaryo derbisi"da "Nasaf" mutloq etakchi