Odatimizga ko'ra o'tgan tur ramziy terma jamoasini tuzib chiqdik. Undan "Buxoro", "Paxtakor", "Nasaf", "So'g'diyona", "Bunyodkor", "Mashal", "Olmaliq", "Andijon" va "Obod" klublari vakillari o'rin olishdi.

Darvozaga "Buxoro" posboni Muhiddin Xudoyorovni qo'yishga qaror qildik. Sababi ushbu posbon Qo'qondagi bahsda o'z darvozasi dahlsizligini saqlab qoldi. Umuman olganda Xudoyorov bu mavsumda o'tgan 4ta o'yinda o'z darvozasidan umuman to'p olib chiqmadi!

"Paxtakor" va "Nasaf" uchrashuvida ikkala jamoadan himoyachilarni ramziy terma jamoaga kiritdik. Mezbonlar sardor Kamoliddin Tojiev o'yinda birinchi golni urdi. Bundan tashqari himoyada ham yaxshi o'ynadi. "Ajdarlar" himoyachisi Saydulla Rahmatov chap qanotda raqiblarga tinchlik bermadi. O'z qanotida bir necha bor hujumga o'tib turdi. Raqiblar ham uni faqat qo'pollik bilan to'xatishdi xolos. "So'g'diyona" himoyachisi Murod Xolmuhammedov "Lokomotiv" bilan o'yinda penaltidan gol urdi.

Murod Xolmuhammedov

Kamoliddin Tojiev

Yarim himoyadan "Mashal" vakili Shahzod Shaymanov o'rin oldi. O'z vaqtida O'zbekistonning eng yaxshi yosh futbolchisi bo'lgan Shaymanov "Navbahor"ga supergol urishga erishdi. "Olmaliq" vakili Doniyor Ismoilov ham Shaymanovdan qolishmaydigan gol urishga muvaffaq bo'ldi. "So'g'diyona" yarim himoyachisi Muzaffar Muzaffarov "Loko"ga qarshi o'yinda markazda ancha faol harakat qildi. "Bunyodkor"ning yaponiyalik legioneri Sato Minori G'uzorda "Sho'rtan"ga qarshi bahsda yagona golni urdi.

Muzaffar Muzaffarov

Sato Minori

Shahzod Shaymanov

Hujumchilar soni uch nafarni tashkil qildi. "Andijon" hujumchisi Nemanya Yovanovich vodiy derbisida "Neftchi" darvozasiga gol urmadi. Lekin ikkala gol urilishida katta ish qildi. Birinchisida jarima to'pini ishlagan bo'lsa, aynan uning yiqitilishidan keyin penalti belgilandi. "Nasaf" hujumchisi Bobur Abduxoliqov Toshkentda "Paxtakor" darvozasiga gol urdi, uning goli "ajdarlar"ga bir ochko keltirdi. "Obod" to'purari Shoxruz Norxonov "Qizilqum" bilan bahsda o'z hisobiga gol yozib qo'ydi.

Shoxruz Norxonov

Nemanya Yovanovich

Bobur Abduxoliqov

Ramziy terma jamoaga "So'g'diyona" ustozi Davron Fayzievni murabbiy etib tayinladik. Uning jamoasi chempionlik uchun kurashayotgan "Lokomotiv"dan ochko tortib oldi.

Darvozabon
Muhiddin Xudoyorov "Buxoro"

Himoyachilar
Kamoliddin Tojiev "Paxtakor"
Saydulla Rahmatov "Nasaf"
Murod Xolmuhammedov "So'g'diyona"

Yarim himoyachilar
Muzaffar Muzaffarov "So'g'diyona"
Sato Minori "Bunyodkor"
Shahzod Shaymanov "Mashal"
Doniyor Ismoilov "Olmaliq"

Hujumchilar
Nemanya Yovanovich "Andijon"
Bobur Abduxoliqov "Nasaf"
Shoxruz Norxonov "Obod"

Bosh murabbiy
Davron Fayziev "So'g'diyona"

Oliy liga. 4-tur ramziy terma jamoasi