Undan jamoa vice-prezidenti, bosh direktori Abdisolomov Marufjon Jamoldinovich so'z olib, oxirgi paytlarda Andijonning qayd etayotgan natijasi qoniqarsiz bo'layotgani va jamoani kuchlilar safida olib qolish uchun yanada jiddiy ishlash kerakligini alohida takidlab o'tdi.

Shuningdek yig'ilish chog'ida bungacha jamoa natijalariga javobgar bo'lib kelgan bosh murabbiy - Orif Mamatkazinning sog'ligi bilan bog'liq muammo yuzaga kelgani sababli istefoga chiqqani aytib o'tildi. Shu bois murabbiylar shtabida ham ayrim o'zgarishlar yuz berdi. Endilikda jamoa natijalariga klub vice-prezidenti, jamoa bosh direktori M.J.Abdisolomovning javob beradi va qolgan uchrashuvlarda jamoani uning o'zi maydonga olib tushadi. Abdisolomovga Eldor Sakaev bilan birga mahalliy murabbiylar Vitaliy Legay, Rasul Rahmonov va Qobiljon Olimjonov yaqindan yordam beradigan bo'ldi.

Bungacha darvozabonlar bilan ishlagan murabbiy Server Esetov ham istefoga chiqdi.

Dushanba kuni futbolchilar tushlikdan so'ng jamoa qarorgohida yig'ildi va Metallurgga qarshi bahsga tayyorgarlikni boshladi. Shuni alohida takidlab o'tish lozimki, kechagi mashg'ulotda Marufjon Abdisolomovning shaxsan o'zi bevosita ishtirok etdi.

Jismoniy tayyorgarlik bo'yicha futbolchilar bilan Rasul Rahmonov ishlagan bo'lsa, darvozabonlarni Qobiljon Olimjonov shug'ullantirdi. Vitaliy Legay esa taktik-texnik mashg'ulotlarni olib bordi.

Orif Mamatkazin istefoga chiqdi yoxud Andijon murabbiylar shtabidagi o'zgarishlar haqida