Самарқанддаги “Динамо” стадионида кечган баҳсда “Динамо” Про-Лига “Б” гуруҳида иштирок этаётган Самарқанднинг яна бир клуби “Шердор” жамоасига қарши ўртоқлик ўйинида майдонга тушди.

Ушбу учрашувда “Динамо” бош мураббийи Даврон Файзиев ҳам, “Шердор” бош мураббийи Бахтиёр Сатторов ҳам бир қатор футболчиларни майдонга туширишди.

Шиддатли курашларга бой ўтган баҳсда “Динамо” 3:0 ҳисобида рақибидан устун келди. Ўйиндаги ҳисобни биринчи бўлим якунида Аббосбек Жумақулов очди. Ҳужумкор яримҳимоячи 45-дақиқада жарима майдонига ёриб кириб, кучли зарбаси билан ҳисобни очди, 1:0.

75-дақиқада “Динамо”нинг навбатдаги ҳужумчини жамоа янги аъзоси ҳужумчи Санжар Баротов чиройли якунлади, 2:0.

86-дақиқада ҳисоб йирик кўринишга келди. Чап қанотдан ҳужумга ўтган Жасур Азимов жарима майдони ташқарисидан ўзининг ажойиб зарбаси билан дарвозанинг “тўққизлиги”ни аниқ нишонга олиб, якуний натижани ўрнатди – 3:0.

Ушбу баҳсдан сўнг, «Динамо» 25 июль кунидан Тошкентда йиғинга киришади. 27 июль куни Тошкентдаги дастлабки назорат баҳсида Ғузорнинг “Шўртан” жамоасига қарши майдонга тушилса, 29 июлда “Локомотив-БФК”, 31 июлда эса “Нурафшон” клубига қарши саф тортишади. Ушбу ўйинлар билан “Динамо” 5 август куни старт оладиган Про-Лига учинчи даврасига тайёргарлик кўради.

Ўртоқлик учрашуви.

24 июль (сешанба)

Самарқанд. “Динамо” стадиони.

“ДИНАМО” – “ШЕРДОР” – 3:0 (1:0)

Голлар: Аббос Жумақулов 45, Санжар Баротов 75, Жасур Азимов 86.

“Динамо” (1-бўлим): Шоҳруҳ Раимов, Миркомил Локаев, Виктор Григорьев, Ҳакимхон Аъламхонов, Фирдавс Абдусалимов, Суҳроб Иззатов, Жасур Азимов, Дилмурод Каримов, Отабек Нарзуллаев, Аббосбек Жумақулов, Павел Пуришкин.

“Динамо” (2-бўлим): Шоҳрух Эшбўтаев, Комил Шарофутдинов, Акмал Холмуродов, Ҳакимхон Аъламхонов (Виктор Григорьев), Отабек Нарзуллаев (Жасур Азимов), Дамир Темиров, Илҳом Юнусов, Дилмурод Каримов (Суҳроб Иззатов), Жасур Ашуров, Далер Алмосжонов, Санжар Баротов.

Ўртоқлик ўйини: "Динамо" - "Шердор" - 3:0