Bu gal jamoamizga Namanganning "Navbahor" jamoasi sparring raqib vazifasini o'tadi. Sergeli tumanidagi suniy qoplamali maydonda o'tgan bahsda jamoamiz 3:2 hisobida irodali g'alabaga erishdi. Uchrashuvning 25-daqiqasida himoyachi xatosidan unumli foydalangan Aleksandr Pishur hisobni ochdi. Oradan 7 daqiqa o'tib namanganlik futbolchilar o'z jarima maydonlarida futbolchimizga nisbatan qo'pollik ishlatdi. Belgilangan penaltini Ro'zimboy Ahmedov bexato amalga oshirib hisobni tenglashtirdi. Maydon markazidan o'yinni boshlagan vodiy jamoasi vakillari tezda ikkinchi golni urishga erishishdi. Aleksandr Pishur yana himoyachi xatosini gol bilan jazoladi. Ikkinchi taymda hujumkorlikni oshirgan jamoamiz azolari Diyor Turopovning kuchli va aniq zarbasi evaziga hisobni tenglashtirishga erishishdi. O'yin tugashi arafasida Arslonmurod Amanovning qanotdan oshirib bergan to'pini Ro'zimboy Ahmedov bosh bilan darvozaga yo'lladi.

Bu o'yinda biroz betobligi sabab ko'pgina futbolchilarimiz ishtirok etishmadi. "Obod" jamoasi ko'rigida bo'lgan Abdumalik Toshpo'latov esa jamoaga qaytarildi.

Uchrashuvni jamoalar quyidagi tarkiblarda o'tkazishdi.

"Olmaliq" - "Navbahor" 3:2
Hakam: Ahrol Risqullaev
Gollar: Ro'zimboy Ahmedov 2ta, Diyor Turopov - Aleksandr Pishur 2ta.
"Olmaliq": Umid Xonimqulov, Abdumalik Toshpo'latov, Darko Stanoevich, Azizbek Suyunov, Abduqahhor Hojiakbarov, Ibrohim Rahimov, Saidkomil Akbarov, Mirjamol Qosimov, Murod Rajabov, Arslonmurod Amanov, Ro'zimboy Ahmedov.
Zaxiradan maydonga tushganlar: Maksim Kriushev, Diyor Turopov, Doniyor Ismoilov, Rahmatillo Berdimurodov, Islombek Isoqjonov.

"Navbahor": Akmal Ortiqov, Obid Jo'raboev, Xayrulla Karimov, Igor Golban, Tohir Shamsitdinov, Dilshod Jabborov, Nodir Mavlonov, Sardor Azimov, Viktor Karpenko, Anvar Rajabov, Aleksandr Pishur.
Zaxiradan maydonga tushganlar: Aziz G'ulomxo'jaev, Otabek Valijonov, Alisher Mahmudov, Mo'ydin Mamazulumov, Timur Ayupov, Akram Bahritdinov, Shohjahon Abbosov, Qahramon Mahamadjonov.

O'rtoqlik uchrashuvi. "Olmaliq" - "Navbahor" 3:2