Савол: Осиё Кубоклари тарихида экстра таймларда энг кўп ўйнаган терма жамоа қайси?

Жавоб: Жанубий Корея. Икки бор Осиё чемпиони бўлган бу жамоа 1956 йилдан бери шу пайтгача 14 марта экстра таймларда тўп тепган. Энг охирги экстра тайм 2019 йилги мусобақада рўй берган бўлиб, Жанубий Корея 1/8 финалда Баҳрайнни мағлуб этганди.

Савол: Жаҳон чемпионатларида энг кўп гол урган осиёлик футболчи ким?

Жавоб: Тим Кэйхилл. Австралия терма жамоаси собиқ сардори мундиалларда жами 5та гол урган. Кейинги ўринда 4та гол билан Кейсуке Хонда турибди. Парк Жи Сунг билан Сами Ал Жабер ҳисобида учтадан гол бор.

Савол: Жаҳон чемпионатларида чорак финалга чиққан биринчи Осиё жамоаси қайси?

Жавоб: КХДР термаси. Шимолий кореяликлар 1966 йилги мундиалда чорак финалга қадар боришганди.

Савол: Шу пайтгача мундиалларда Осиё жамоалари неча марта Европа вакилларига қарши баҳс олиб борган?

Жавоб: 79 марта. Мана шу 79та ўйиннинг атиги 10тасида осиёликлар зафар қучган. Европа вакилларига қарши энг кўп ўйин ўтказган Осиё жамоаси Жанубий Корея ҳисобланади.

Савол: 1966 йилдан бери жаҳон чемпионатларида битта ўйинда энг кўп муваффақиятли тўп узатишни амалга оширган терма жамоа қайси?

Жавоб: Эрон терма жамоаси. Эрон 2014 йилги мундиалда Аргентина билан баҳсда 98та аниқ пасни амалга оширган. Бироқ ўша ўйинда форслар 0:1 ҳисобида ютқазиб қўйишганди.

Осиё футболи ҳақида билишимиз керак бўлган маълумотлар