Гуруҳдаги учала ўйинни ғалаба билан якунлаган Қатар терма жамоаси нимчорак финалда Ироққа қарши баҳс олиб боради. Маълумки, гуруҳ ўйинларида Қатар термаси сафида Алмуз Али ўзини кўрсата олди. Ёш ҳужумчи гуруҳ босқичининг ўзидаёқ 7та гол уришга муваффақ бўлди. Ҳозирда бу футболчи ҳақида кўпчилик илиқ фикрларни билдирмоқда.

"Ал Дуҳайл" клубининг 22 ёшли ҳужумчиси агар яна битта гол урса Осиё Кубоклари тарихидаги энг яхши тўпурар Али Дайига етиб олади. Негаки Дайининг ҳисобида 8та гол бор. Эронлик собиқ тўпурар 1996 йилги Осиё Кубогида 8 бор рақиблар дарвозасини ишғол қилган. Ҳозирча қатарлик футболчи ўтмишдаги Беҳташ Фариба ва Чой Сун Хо каби футболчилар билан бир хил кўрсаткич қайд этди.

Маълумот учун, Алмуз Али 1996 йилнинг 19 августида туғилган. У Қатар терма жамоасида илк учрашувини 2016 йилнинг 8 август куни Ироққа қарши ўтказган.

Осиё Кубоги тўпурарлари

Али Дайи (Эрон) - 8та гол, 1996 йил.
Беҳташ Фариба (Эрон) - 7та гол, 1980.
Чой Сун Хо (Ж.Корея) - 7та гол, 1980.
Алмуз Али (Қатар) - 7та гол, 2019.

Осиё Кубоги-2019. Қатарлик ҳужумчи яна битта гол урса Али Дайига тенглашиб олади