Osiyo Kubogi-2031 mezbonligi uchun O'zbekistonga yangi raqobatchi paydo bo'ldi

Sherzod Nurmatov

11 apr 2025

Avvalroq Markaziy Osiyo mamlakatlari turnirni qabul qilish uchun qo'shma ariza topshirgandi.

Osiyo futbol konfederaciyasi 2031 yilgi Osiyo Kubogi mezbonligi uchun nomzodlarning yangilangan ro'yxatini taqdim etdi.

Unga ko'ra, Hindiston futbol federaciyasi ham turnir mezbonligi uchun ariza topshirgan.

Eslatib o'tamiz, qitaning eng nufuzli turnirini qabul qilish uchun Koreya Respublikasi, Indoneziya, Kuvayt, Birlashgan Arab Amirliklari, Avstraliya hamda O'zbekiston, Tojikiston va Qirg'iz Respublikasi qo'shma nomzodlari tomonidan taklif yuborilgan.

Osiyo futbol konfederaciyasining 35-Kongressi oldidan Malayziyaning Kuala-Lumpur shahrida OFK Ijroiya qo'mitasining 6-yig'ilishi bo'lib o'tdi. Unda Osiyo futbol konfederaciyasi 2031 yilda bo'lib o'tadigan Osiyo Kubogiga mezbonlik qilish uchun ettita nomzoddan ariza kelib tushgani elon qilindi. OFK prezidenti Shayx Salmon bin Ibrohim Al Xalifa bu tashabbuslarni turnir tarixidagi eng yuqori ko'rsatkich, deya baholadi.

"Kelib tushgan rekord darajadagi arizalar - bu turnirning nufuzini yana bir bor tasdiqlaydi. OFK Ijroiya qo'mitasi nomidan barcha azo associaciyalarimizga chuqur minnatdorlik bildiraman", – dedi OFK prezidenti.

Endilikda OFK nomzod associaciyalar bilan belgilangan vaqt va talablar asosida tanlov hujjatlarini tayyorlash va topshirish jarayonini boshlaydi.

O'zbekiston Hindiston Osiyo kubogi-2031

Izohlar

MTJ, PAXTAKOR

11 apr

Bambey ligaga qaysi futbolchila borib futbol oynirkan rozi bomidi kallasi bosa AFCni

UmiD Aliev

11 apr

Markaziy Osiyoga berilishimi kutib qolardim.Chunki agar mezbonlik qo'lga kiritilsa,futbol sabab marketing va turizmga yaxshigina ta'sir qiladi.Bu Uzb,Tjk,Qrg davlatlari uchun 2030 yilgi katta loyihalar uchun muhim bo'ladi.

Frend Uzbekistan

11 apr

Mavzudan tashqari aslida tashqariyammas bunaqa chempionatlarni hech kim qatarday o'tkazolmasa kerak mana u17 chempionatini sauidya 2ta stadionda o'tkazvorayabdi tashkilotchilik nol u 2ta stadionlarni bittasi mashg'ulot maydoni misol uzb o'yinlar o'tkazgan stadion mahallamizni stadioniday tribunalaram yo'q. AFC ham kim pulini bersa topshirvoradi g'irt poraho'r tashkilot. Osiyo kubogini ham yana BAA yoki Quvatga bervorsa kerak. Lekin adolat nuqtai nazaridan markaziy osiyo mintaqasida hali biror marotaba mezbonlik berilmagan qolgan barcha mintaqalarda o'tdi Avstraliya yaqinda AFCga qo'shilgan bo'lsa ham o'tkazdi

chelsea tv

11 apr

Eng zo'r variant Indoneziya. Indoneziyada axoli soni ko'p va ularda futbol 1-sonli sport turi. Hamma o'yinlarda stadionlar to'ladi. O'zbekistonga umuman kerak emas gaz va svetni narxi har kuni oshayotgan bir davrda bizga bunaqa turnirni o'tqazish juda qimmatga tushadi. Ko'rpamizga qarab oyoq uzatganimiz yaxshi deb o'ylayman

Alisher Sharipov

11 apr

5 yildan kup vaqt bor yaxshi buladi