Ғолибликкка асосий даъвогарлардан бири Эрон миллий терма жамоаси илк турни Яманга қарши ўтказади. Ўйиндан олдин ташкил этилган матбуот анжуманида ҳар икки жамоа бош мураббийлари иштирок этишди.

Эрон термаси устози Карлуш Кейрушнинг ўйиндан олдинги фикрлари қуйидагича бўлди:

"Бу футбол. Агар сиз яхши ҳаракат қилмасангиз, ғалабага ҳақли бўлмайсиз. Биз бу ерга чиройли ўйин кўрсатиб ҳар қандай рақибни мағлуб этиш учун келганмиз. Яман яхши жамоа ва биз рақибни ҳурмат қилишимиз керак. Айни пайтда мен жамоамдан қониқяпман. Тўғри, жароҳат олганлар бор, лекин умуман олганда жамоа ҳолатидан кўнглим тўқ".

Яман терма жамоаси Осиё Кубогида дебютант ҳисобланади. Терма жамоа бош мураббийи Ян Косиан ўйиндан олдин шундай деди:

"Эронни бутун дунё билади. Улар жаҳон чемпионатида ўзларини кўрсата олишди. Карлуш Кейрушни ҳам кўпчилик танийди. У дунёдаги энг яхши мураббийлардан бири. Лекин биз ҳам футболда ўз номимиз чиқишини истаймиз. Яман қитъа биринчилигида илк бор қатнашяпти, шунга қарамай ижобий таассуротлар билан қайтиб кетишни хоҳлаймиз. Мен гуруҳдаги ҳар учала рақибни ҳурмат қиламан. Тўғриси ҳеч қандай босимни ҳис қилаётганимиз йўқ. Агар Эронни мағлуб этсак, жуда катта ишни бажарган бўламиз".

Осиё Кубоги. Эрон - Яман. Ўйиндан олдинги матбуот анжумани