Гуруҳнинг охирги турида Таиланда қарши майдонга тушган Ўзбекистон Забиҳилло Ўринбоевнинг голи эвазига ғалаба қозонди - 1:0. Шу тариқа, Ўзбекистон гуруҳдаги 3та ўйинда 3та ғалабага эришиб 100 фоизли натижа билан нимчорак финалга чиқди.

Ушбу босқичдаги рақибимиз номи 20 август куни маълум бўлади. Нимчорак финал учрашуви 23 август куни бўлиб ўтади.

Таиланд - Ўзбекистон 0:1

Гол: Забиҳилло Ўринбоев 17, - 0:1.

Амалга оширилган пенальти: Жалолиддин Машарипов 40 (дарвозабон)

Таиланд: 1. Кванчаи Суклом, 2. Пави Тантхамити, 3. Сурия Сингмуй, 5. Шиннапхат Лиаох, 6. Питиват Сукжитхуммакул, 7. Ноппон Пхонкам, 8. Ворачит Канитсримбупен (Промсават, 69), 9. Чнероп Сампаоди (13.Супачаи, 59), 10. Чаияват Буран (Сирапала, 84), 12. Раттанакорн Маиками, 19, Супачок Сарачат.

Ўзбекистон: 1. Ботирали Эргашев, 2. Рустамжон Ашурматов, 3. Хожиакбар Алижонов, 4. Акрамжон Комилов (Аббос Отахонов, 54), 6. Жалолиддин Машарипов, 7. Одилжон Хамробеков, 9. Забихилло Ўринбоев, 10. Жавоҳир Сиддиқов (Хуршид Ғиёсов, 82), 14. Икромжон Алибоев, 15. Азизбек Турғунбоев, 20. Достонбек Турсунов.

Гуруҳнинг иккинчи учрашувда Қатарни 1:0 ҳисобида мағлуб этган Бангладеш сенсацион тарзда гуруҳда 2-ўринни эгаллаб кейинги босқичга чиқди.

Ушбу саҳифада ўйиннинг натижасини кузатиб бориш мумкин бўлди.

ЯНГИЛАШ

90+3. ЎЙИН ТУГАДИ. Ўзбекистон Таиландни 1:0 ҳисобида мағлуб этди

90. Учрашувга 3 дақиқа қўшилди

85. ЗАРБА! Чаидеднинг зарбасидан сўнг Ботирали Эргашев тўпни қайтарди

84. Ўзгариш. Таиланд. Чаияват Буран ўрнига Сирапала тушди

82. Ўзгариш. Ўзбекистон. Жавоҳир Сидиқов ўрнига Хуршид Ғиёсов тушди

80. Вакилларимиз ҳужум ташкил этишди, Машарипов чап қанотдан олдинга ўтди, аммо тўпни шерикларига узата олмади

69. Ўзгариш. Таиланд. Ворачит Канитсримбупен ўрнига Промсават

62. Хавфли вазият! Ўнг қанотдан Хожиакбар Алижоновнинг узатган тўпини Ўринбоев дарвозага йўллади, ноаниқ

59. Ўзгариш. Таиланд. Чнероп Сампаоди ўрнига Супачаи тушди

58. Ўзгариш. Ўзбекистон. Азизбек Турғунбоев ўрнига Достонбек Ҳамдамов тушди

57. ЗАРБА! Жавоҳир Сидиқовнинг кучли зарбаси ноаниқ кетди

54. Ўзгариш. Ўзбекистон. Акром Комилов ўрнига Аббос Отахонов тушди

50. Алибоевдан ажойиб пас, Машарипов тўпни тўхтата олмади, акс ҳолда гол кўрардик

46. Иккинчи тайм бошланди

45. Биринчи тайм тугади. 15 дақиқа танаффус

40. ЗАРБАААААААААААА! МАШАРИПОВ! Дарвозабон тўпни қайтарди!

40. ПЕНАЛЬТИ! Забиҳилло Ўринбоев дарвозабон билан тўқнашувда пенальти ишлади.

35. ЗАРБА! Ворачит Канитсримбупен томонидан йўллаган зарба хавфли чиқди

30. Футболчиларимиз муддатдан аввал гуруҳда 1-ўринни эгаллашган, бугунги ўйинда ҳисобни очишгани учун бироз эркин ҳаракат қилишмоқда. Таиландга эса бугун ғалаба жуда зарур

Ҳасан Пирмуҳаммедов олган суратларни томоша қилинг

17. ГООООООООООООООООООООЛ! Чап қанотдан Икром Алибоев тўпни ҳаводан узатди, Забиҳилло Ўринбоев боши билан гол урди - 0:1.

11. ЗАРБА! Ўнг қанотдан Машарипов тўпни ҳаводан жарима майдонига узатди, Алибоевнинг боши билан йўллаган зарбасини дарвозабон қайтарди, ҳакамлар эса бурчак тўпини белгилашмади

1. Учрашув "Маҳалла" телеканали орқали намойиш этилмоқда

1.ЎЙИН БОШЛАНДИ

- Учрашув соат 17:00да бошланади.

Осиё ўйинлари. Ўзбекистон гуруҳда 100 фоизли натижа қайд этди