Osiyo kitasida esa bugun Jahon chempionati saralashining to'rtinchi bosqichi boshlandi.

To'rtinchi bosqichda oltita jamoa ikki guruhga bo'lingan holda Jahon chempionatining ikkita to'g'ridan to'g'ri yo'llanmasi uchun kurashadi.

A guruhi: Qatar, BAA, O'mon

Uchrashuvlar:

8 oktyabr O'mon – Qatar

11 oktyabr BAA – O'mon

14 oktyabr Qatar – BAA

B guruhi: Saudiya Arabistoni, Iroq, Indoneziya

Uchrashuvlar:

8 oktyabr Indoneziya – Saudiya Arabistoni

11 oktyabr Iroq – Indoneziya

14 oktyabr Saudiya Arabistoni – Iroq

Ikkala kichik guruh bosqichi bittadan alohida davlatda o'tkaziladi. A va B guruhlari mezbonlarini tahmin qilish esa unchalik ham qiyin emas: mos ravishda Qatar va Saudiya Arabistoni. Mezbonlik borasida OFK aynan Qatar va Saudiya Arabistonini tanlaganidan tashqari, mezbonlar o'ta muhim ikki o'yinni 6 kun oraliq bilan o'ynashadi, guruhdagi boshqa jamoalar esa o'z uchrashuvlarini 3 kun oraliq bilan o'tkazishadi.

Har bir guruhda uchtadan o'yin o'tkaziladi, guruhdagi ikki jamoa o'zaro o'yin o'tkazayotgan payt uchinchi jamoa dam oladi. Yakunda har bir terma jamoa ikkitadan uchrashuv o'tkazadi. Guruhda birinchi o'rinni egallagan jamoa to'g'ridan to'g'ri Jahon chempionati ishtirokchisiga aylanadi.

Ikkala guruhda ikkinchi o'rinni egallagan terma jamoalar esa uy-safar ko'rinishida o'zaro to'qnash kelishadi. Ikki o'yin natijasiga ko'ra g'olib bo'lgan terma jamoa "FIFA pley-off" saralashida OFK nomidan ishtirok etadi. "FIFA pley-off" saralashida ikkita KONKAKAF, bittadan Osiyo, Afrika, Janubiy Amerika va Okeaniya qitasidan jamoalar ishtirok etishadi. 2026 yilning mart oyida bo'ladigan ushbu saralash bosqichida Jahon chempionatining yakuniy ikkita yo'llanmasi o'z egasini topadi.

Osiyoda JCH saralashining to'rtinchi bosqichi boshlandi. Bu haqda nimalarni bilishimiz lozim?