Klub rasmiy veb-saytida xabar qilinishicha, Oston O'runov tizza osti payi jarohati olganidan so'ng maydonga ajoyib tarzda qaytdi. U "Persepolis" safida mavsumning so'nggi ikki o'yinida gol urib, o'zining texnik mahoratini yana bir bor namoyish etdi. Biroq bu safar O'runov mamlakat terma jamoasi tarkibida chov sohasidan jarohat oldi.

"Persepolis" tibbiyot qo'mitasi o'yinchining jarohatlanish paytidagi munosabati va o'tmishini kuzatgandan so'ng ikkinchi darajali jarohat ehtimoli masalasini ko'tardi. Biroq har qanday yakuniy xulosa, tabiiyki, MRT natijalariga bog'liq edi.

Shu munosabat bilan shifokor Farid Zarineh quyidagilarni malum qildi:

"O'zbekiston milliy terma jamoasi tibbiyot xodimlari nazorati ostida paraklinik tekshiruvlar o'tkazildi va ular bizga o'yinchida ikkinchi darajali jarohat xavfi mavjudligini xabar qilishdi. Bunday holatda davolash va tiklanish jarayoni 4 haftadan 6 haftagacha davom etadi. Albatta, futbolchi safga qaytgach, uning holatini sinchkovlik bilan o'rganib chiqishimiz lozim. Hozirgi vaqtda biz O'zbekiston tomoni bilan aloqadamiz".

Eslatib o'tamiz, Oston O'runov jarohati tufayli mehmonda bo'lib o'tgan BAAga qarshi o'yinning 14-daqiqasidayoq Abbos Fayzullaev bilan almashtirilgandi.

Oston O'runov qancha muddatga safdan chiqdi?