Mashg'ulotlar yakunlangach, jamoa matbuot xizmati hamyurtimizdan intervyu oldi.
- Ekaterinburgda ilk mashg'ulotingizni o'tkazdingiz. Taassurotlar qanaqa?
- Taassurotlar alo darajada. To'g'risi, hali hech kimni tanimayman. Ammo ko'rinib turibdiki, bu erda yaxshi atmosfera hukm surmoqda.
- Nega aynan "Ural"ni tanladingiz?
- "Ural" – barqaror jamoa. O'ynashim kerakligini tushunib etdim. Hozir ahvol biroz og'ir, o'ylaymanki, hammasini to'g'rilaymiz.
Klub stadioni va muxlislari ham yaxshi. Umid qilamanki, o'nglanib olaman.
Bir yarim oy individual tarzda shug'ullanganib bordim. "Torpedo"ga qarshi o'yingacha 1 haftadan kam vaqt qoldi. Xudo xohlasa, o'sha o'yinga tayyor bo'laman.
Eslatib o'tamiz, "Ural" keyingi tur o'yinini o'z uyida Hojimat Erkinov to'p tepadigan "Torpedo"ga qarshi o'tkazadi. O'ziga xos "o'zbek derbisi" Toshkent vaqti bilan 15:00 ga belgilangan.
Avvalroq Oston O'runov O'zbekiston terma jamoasidan taklif olgani malum bo'lgan edi.
Izohlar