Fevral oyida saytimiz fotografi Jahongir Fayzullaev o'quvchilarimiz uchun stadiondan maxsus fotoreportaj tayyorlagan edi. Endi ushbu stadionda Oston O'runov o'ynaydi. Marhamat tomosha qiling.

"Otkritie Arena" stadioni 2014 yil 27 avgust kuni qurib bitkazilgan.

Stadion yonida gladiator haykali mavjud.

Stadion Moskvaning Pokrovskoe-Streshnevo tumanida joylashgan. Bu erda oldin Tushinskiy aerodromi bo'lgan.

Stadionni qurish uchun 14,5 milliard rubl sarflangan. Arxitektor - Burkxard Grimm.

2013 yil 19 fevral kuni stadion "Otkritie Arena" ("Otkrytie Arena") nomini olgan. "Otkritie" banki 6 yil uchun "Spartak" klubiga 1 milliard 208 million rubl to'lashga kelishilgan. 2018 yilda ushbu kelishuv 2023 yilga qadar uzaytirilgan, faqat moliyaviy tomonlari oshkor etilmagan.

Ushbu stadionda 2017 yilgi Konfederaciyalar kubogining 4ta o'yini o'tkazilgan. Ular orasida uchinchi o'rin uchun Portugaliya - Meksika 2:1 o'yini ham bor. Bundan tashqari 2018 yilgi Jahon chempionatining 5ta uchrashuvi "Otkritie" stadionida o'tkazilgan. (Suratda Narzulla Saydullaev va bugun tug'ilgan kunini nishonlayotgan Gayrat Xasbiullin)

Stadion o'z bag'riga 45 360 tomoshabinni sig'dira oladi.

Maydon uzunligi 105 metr, eniga 68 metr. Maysa to'liq tabiiy.

Saytimiz fotografi Jahongir Fayzullaev stadiondan barchaga salom yo'llamoqda.

Stadion ichida aka-uka Starostinlar sharafiga haykal o'rnatilgan.

Matbuot anjumani xonasi

Championat.asia sayti Oston O'runovga mana shu maydonda ko'plab o'yinlarda maydonga tushib ajoyib gollar urishini tilaydi!

Oston O'runovning yangi "uyi" - "Otkritie Arena"ga fotosayohat