- Bugungi uchrashuv haqida nima deya olasiz?
- Avvalambor “Qizilqum” jamoasini g'alaba bilan tabriklayman. O'yinni ko'rdinglar, yaxshi o'tdi, kurashlarga boy bo'ldi. To'g'risi, yaxshi o'ynab turib yutqazish alam qiladi. Uch ochkoni qo'ldan chiqardik.

- Bugun ikki xil futbol ko'rdik. Birinchi bo'limda “Qizilqum” yaxshi o'ynadi. Ikkinchi bo'limda esa “Andijon”. Buning sababi nimada?
- Jamoamiz o'tgan yilgidan ko'ra 90 foizga yangilandi. Yangi o'yinchilar kelgan, endi shakllanyapti. Balki moslashish uchun vaqt kerak bo'lgandir. Lekin dastlabki 15 daqiqada ham to'pning nazorati bizda edi. Belgilangan penalti biroz bo'lsa-da, yigitlarga tasir qildi. Futbolchilar sarosimaga tushishdi. Ikkinchi bo'limda ancha hujumkor o'yin namoyish etdik. Yigitlarga qo'rqmasdan oldinga o'tishlarini aytdik.

- Jasur Jaloliddinovning o'yinidan qanchalik qoniqish hosil qildingiz?
- Jasurning hozirgi holatini bilganim uchun aytamanki, u bugun 50 foiz kuchi bilan o'ynadi. Chunki malum vaqt jamoasiz, mashg'ulotsiz qolib ketdi. To'g'ri, individual tarzda shug'ullandi. Ammo jamoamizga qo'shilganiga bugungi o'yinni ham hisoblasak bor-yo'g'i besh kun bo'ldi. Uning individual mahoratini hamma biladi. Boya aytganimdek, 50 foiz kuchi bilan to'p tepdi. Ammo Jaloliddinov hali chempionatda o'z so'zini aytadi.

- Yaqinda jamoaga meksikalik futbolchining kelib qo'shilishi haqida xabar chiqdi. Ertaga O'zbekistonda transfer oynasi yopiladi. Meksikalik futbolchini "Andijon"da ko'ramizmi?
- To'g'risi bu malumotni sizlardan eshitmoqdaman. Lekin sizlar bilguningizgacha ham shunday gaplar yurgandi. Hozir bu borada aniq fikr bildira olmayman. Barchasini klub sport direktoridan so'rab ko'rishim kerak.

Otabek G'ulomxo'jaev: "Meksikalik futbolchi???"