Kecha uni “Neftchi” klubi raisi Tohir Kapadze keng ommaga tanishtirdi. Fursatdan foydalanib, Otabekni suhbatga tortdik.

- Buxoro”dan ketishingiz bu o'zingizni qaroringiz bo'ldimi yoki klubnimi?

- O'zim istadim. “Buxoro”da Aleksandr Mochinov ishlayotgan paytidayoq ketish haqida o'ylab yurgandim. Xatto Mochinovni oldiga kirib, bu borada undan ruhsat olmoqchi bo'lib, aytgandim. To'g'risi, yo'lning uzoqligi ham jismonan charchatib qo'ydi.

- Davralar oralig'idi sizni keyin “Andijon” mashg'ulotlarida ham uchratgandik. Ammo u erda ham uzoq vaqt qolmadingiz. Bizningcha bu “Neftchi”dan taklif tushgani bilan bog'liq bo'lsa kerak. Fikrimizga qo'shilasizmi?

- Ha, andijonliklar bilan ham malum muddat shug'ullandim. Keyin esa Murod Ismoilov meni “Neftchi”ga qaytishimni so'radi va ishonch bildirayotganini takidladi. Oliy talim muassasasida tahsil olishim munosabati bilan imtihonlarim bor edi. Shu bois Farg'onada o'ynashga qaror qildim. Baribir “Neftchi”ga etmas ekan.

- Edgar Gess ham sizning imkoniyatingizni yaxshi biladi. Bizningcha u bilan munosabatingiz ham ko'ngildagidek edi. Murabbiy o'z jamoasida olib qolish uchun xarakat qilgandir.

- Aytib o'tganimdek, imtihonlarim bor edi. Shu bois Edgar Yakovlevichga vaziyatni tushuntirdim va “Neftchi”ga qaytishga qaror qildim. Bundan hozir juda mamnunman.

- Ayni paytdagi sport formangiz qay darajada?

-Juda zo'r deya olmayman. Lekin ideal xolatga chiqish uchun har kuni Murod Muzaffarovich bilan maxsus dastur asosida kuniga 2-3 mahaldan ishlayapmiz. Nasib qilsa qo'limdan kelganicha “Neftchi”ga yordam beraman. Bilasizmi futbolda ko'p narsa omadga ham bog'liq. Yaratgan egam omadizi berib tursa, gollar o'zi kelaveradi. Buning uchun o'zim ham astoydil xarakat qilaman.

Islombek Rustambekov suhbatlashdi.

Otabek Isroilov: “Neftchi”ga qo'limdan kelganicha yordam berishga tayyorman”