- Ўйин ҳақида

- Яна ўзимизнинг хатолар эвазига гол ўтказиб юбордик. Бу вазиятларни ўйлаб, хулоса қилишиз керак. Нега биз ўйиннинг бошида голлар қўйиб юборяпмиз? Учрашувнинг сўнгги дақиқаларида чарчоқ сабаб гол ўтказиб юбориш табиий, лекин нега учрашув бошида гол қўйиб юбораётганимиз бироз тушунарсиз. Бу тактик жиҳатдан йўл қўйилган камчилик бўлиши мумкин. Бунинг устида ишлашимиз керак. "Пахтакор"ни табриклаймиз. Мақсадимиз кубок финали эди. Ўхшамади. Бор эътиборимиз Суперлигага қаратилади.

- Жамоа ўйин бошида "Пахтакор"га яхши қаршилик кўрсатаётганди. Хатто биринчи голдан кейин ҳам шундай бўлди, аммо иккинчи голдан кейин жамоа ўйинни бироз ташлаб қўйди. Ҳисоб 1:3 бўлганда жамоа катта иштиёқ курсатди. Бу иштиёқни эртароқ кўрсатишнинг иложи йўқмиди?

- Бу психологик ҳолат билан боғлиқ. Футболчилар "Пахтакор", "Насаф" каби номларни эшитганда бироз чўчишмоқда. Иккинчи бўлим кўрсатдики, рақибни ҳурмат қилган ҳолда исталган жамоага қарши ўйнаса бўлади. Футболчиларда ишонч бўлса, ўйин яхши чиқмоқда. Ўйин давомида шунга урғу қаратишимиз керак.

- Самандар Очилов нега майдонга тушмаяпти?

- У яхши футболчи. Унинг позицияси марказий ҳимоячи. Ҳозирги рақибларда бўйи узун ҳужумчилар бор, шунга бу жамоаларга қарши бўйи узун ҳимоячилардан фойдаланяпмиз. Унга ҳам имконият берамиз. Рақобатда ким ютиб чиқса ўша майдонга тушади.

- "Нефтчи" билан ўйинда жуда кўп "брак"лар бўлди. Бугун ҳам шунга ўхшаш ҳолат юз берди. Бу рақибнинг даражасидан келиб чиқиб бўлдими?

- Рақибнинг даражаси сабаб деб ўйламайман. Бу руҳий ҳолат, футболчилар ўзига бўлган ишончни сақлай олмаяпти. Агар биз "Андижон"га қарши ўйин каби иштиёқ билан майдонга чиққанамизда ҳар бир жамоага муаммо туғдирган бўлардик. Мағлубиятлардан кейин бироз қўрқув бўлмоқда. Бу ҳар бир жамоада бўлади. Ғалаба учун кўз ёниб турса, исталган рақибдан очко олса бўлади. Бу руҳий камчилик деб ўйлайман.

Отабек Нарзуллаев: "Мақсадимиз кубок финали эди. Энди бор эътиборимиз Суперлигага қаратилади"