Сречко Катанец бошчилигидаги терма жамоамизнинг бугунги машғулоти "Пахтакор" стадионида бўлиб ўтди. Отабек Шукуров бошланган йиғин борасида фикрлари билан ўртоқлашди.

"Янги мураббий қўл остидаги учинчи йиғинни ўтказмоқдамиз. Сречко Катанецнинг услубини ва тактикасини ўрганиш жараёнидамиз. Ушбу мураббий жуда ҳам қаттиққўл, дея оламан. Агрессив ўйнашимизни талаб қилмоқда. Ўзбекистон терма жамоасини оптимал ҳолатга ва энг юқори даражага олиб чиқишга ҳаракат қиламиз.

Янги мураббий қўл остида янги футболчилар йиғилгани яхши бўлди, уларга ҳам қайсидир маънода таъсир қилади. Чунки ўзимизнинг футбол сўнгги йилларда жуда пасайиб кетди. Ўзгаришлар бўлаётгани уларга катта ишонч беради. Ўзбек футболи кўпроқ чиройли ўйин устига қурилади, паслар билан ҳаракатланади.

Сречко Катанец эса натижа учун ўйнашимизни, яхши ҳимоялансак ҳужумда тезроқ ҳаракат қилиб гол урамиз, деди. Ҳужумга ўтганимизда бош худудлар очилиб ҳимояда муаммолар кўзга ташланиб қолди",- дейди Отабек Шукуров.

Отабек Шукуров: "Сўнгги йилларда футболимиз жуда пасайиб кетди, янги мураббийнинг келгани футболчиларга ишонч беради"