Bekobodda "Metallurg" mehmoni bo'lgan farg'onaliklar ortga yirik 3:0 hisobidagi g'alaba bilan qaytdi. Shu kuni jamaoa safida Umar Adhamzoda yorqin o'yin ko'rsatib raqib darvozasini ikki bor ishg'ol qildi va Mirzohid G'ofurovning goliga assistentlik qildi. Umuman o'yin qahramoniga aylandi, desak mubolag'a bo'lmaydi. Uchrashuvdan so'ng uning fikrlari bilan qiziqdik.

- O'yin haqida...

- Xudoga shukur oldimizga qo'yilgan vazifani uddaladik va mavsumni yuz foizlik natija bilan boshladik. Murabbiyimiz aytganlaridek mavsumga Turkiyada yaxshi tayyorgarlik ko'rilgandi. Buning samarasini navbatdagi uchrashuvlarda ham ko'ramiz, deb o'ylayman.

- Bekoboddagi maydon sifati qanday ekan?

- Ha, maydon tayyor emas.

- "Neftchi" qaysi o'rin va qanday natijalar bilan syurpiriz ko'rsatishi mumkin?

- Qanday o'rinni egallashimizni yil oxirida bilamiz. Lekin har bir bahsda maksimal o'yin ko'rsatishga harakat qilamiz. Albatta hali syurpirizlar bo'ladi.

- Vitaliy Levchenko kelgach o'tgan mavsum yakunida, qolaversa kecha ham yorqin o'yin ko'rsatdingiz...

- Murabbiy ishonch bildiryapti. Men esa uni oqlashga harakat qilmoqdaman.

- "Metallurg" o'tgan yilgiga qaraganda qanchalik o'ziga o'xshadi?

- Solishtiradigan bo'lsak, menimcha o'tgan yilgi "Metallurg" kuchli edi. Lekin endi birinchi tur o'tdi. Hali hech narsa bo'lgani yo'q. Xulosa chiqarishga erta, deb o'ylayman.

Abdulaziz Iskandarov

"O'tgan yilgi "Metallurg" kuchli edi, maydon tayyor emas yoxud syurprizlar bo'ladi"- "Neftchi"ning birinchi turdagi qahramoni yana nimalar dedi?