- Siz o'yinlarini bevosita kuzatgan eng kuchli futbolchi kim?

- O'zbekiston va "Paxtakor" o'yinlari orkali Ahmedov va Geynrix, klassikoda stadiondan kuzatganim Inesta, Buskets, Messi va Ronaldu, "Zenit" o'yinidan Xalk, "Lacio" va "Milan" o'yinida Immobile, JCH-18 payti jonli kuzatganim Pogba va Modrich, Janubiy Koreya o'yinlaridan Cha Du Ri va albatta Qosimovning 2003-2004 yillardagi klassik harakatlari.

- Tarixdagi eng kuchli jamoa (yoki terma jamoa) sifatida qaysini ko'rsata olasiz?

- 2001-2004 yillardagi "Arsenal"
Ronaldino davridagi "Barselona"-2005-2006
Braziliya-2002
Italiya-2000
"Paxtakor"-2003.

- Siz ko'rgan eng chiroyli gol qaysi?

- PFL U-14 chempionati finalida "Odil Junior" futbolchisi Husanov Hojiakbar urgan goli.

Ronaldinoning 2005 yil "Real"ga urgan goli.

Odilning Katarga urgan goli.

- Futbol olamida boshqalardan mutlaq ajralib turadigan shaxs kim?

- Geynrix - pozitiv, Ahmedov - insoniylik, Kamoliddin Tojiev - shaxs, Shukurov - kamtarlik. Afsus, xammasini sanasam ko'p vaqt ketadi.

- O'zbek futboli qiroli sifatida kimni ko'rsatasiz?

- 3 kishi: Qosimov va Ahmedov bular uzoq mavsum stabil uyin kursatishdi va shunga yarasha futbolchilik faoliyatidan keyin xam o'sha darajada qola bilgan va biladigan odamlar. 3-kishi bu yomon sharoitda bolalar futbolida qishloqlarda ishlayotgan har bir murabbiy men uchun futbol qirollaridir.

- Nechanchi yillardagi terma jamoamiz barcha davrlarning eng kuchlisi edi?

- JCHga chiqqandan keyin aytaman mana shunisi kuchli bo'lgan deb. Bizda afsus eng kuchli deb bilgan terma jamoamizda xam 5 nafar kuchli futbolchi bo'lmagan. Har safar 2-3 nafar zo'ri bo'ladi xolos.

- O'zbekiston chempionatlarida o'ynagan eng kuchli xorijlik o'yinchi kim?

- Boyan Miladinovich, Rivaldo, Stivica Ristich, Artur Gevorkyan.

- O'zingiz o'yinlarini kuzatgan futbolchilar orasidan ramziy jamoa tuzib bering?

- Kurtua
Pike, Kellini, Ramos
Ronaldu, Axmedov, Pogba, Inesta
Messi, Geynrix, Neymar

- Yoqtirgan kitob yoki kinongizning nomini ayting (va eng yoqtirgan qahramoningiz).

- Odil Yoqubovning "Ulug'bek xazinasi". Ali Qushchi yoqtirgan qahramonim. Kino - "Legenda-17".

- Siz uchun baxt nimadan iborat?

- Pulsiz hurmat qilishlari va qilayotgan ishimdan ota-onamni faxrlanishi.

- Hayotingizning burilish nuqtasi sifatida qaysi voqeani eslaysiz?

- 2005 yil universitetdagi domlam "sen toshkentliklarga kim quyibdi sessiyani 5 bahoga yopishga" - deb 4 qo'yganidan keyin o'qishni yig'ishtirib, amaliyotga chiqib ketganim. Qizil diplom bu - sen katta maosh oluvchi xodim deganig emas, hamma gap erta amaliyotga kirishishda.

"8+3". Ronaldino, Runi va Mirjalol Qosimov... (2-son)

"O'zbek futbolida 3ta qirol bor" - Nodirxo'ja Yuldashev (3-con)