Har ikki klubimiz ham guruhdan chiqa olmadi. "Paxtakor" 3-o'rinni egallagan bo'lsa, AGMK oxirgi o'rinda qolib ketdi. Albatta, bu biz uchun qoniqarli ko'rsatkich emas, negaki muxlislar yanada ko'prog'ini kutishgandi.

Guruhdan chiqish amrimahol bo'lib turgan bir paytda "O'zbek klublari OCHLni yutish uchun yana qancha vaqt kerak?" degan savolni o'rtaga qo'yish biroz g'alati bo'lsa kerak. Shunga qaramay biz maqsadni doim katta olib kelganmiz. Mana hozir ham keyingi bosqichga chiqish so'roq ostida qolayotgan bir paytda terma jamoadan jahon chempionatiga chiqishni kutyapmiz.

Klublarimiz uchun OCHLdagi ishtirok tugaganidan so'ng Telegram kanalimizga "O'zbek klublari OCHLni yutish uchun yana qancha vaqt kerak?" degan so'rovnoma qo'ygandik. So'rovnomada ishtirok etgan 12 mingdan ziyod muxlis quyidagi variantlarni belgilagan.

1 yil - 3 foiz

5 yil - 8 foiz

10 yil - 9 foiz

20 yil - 5 foiz

30 yil - 75 foiz

Ko'rinib turibdiki, aksar ishqibozlarning fikricha, bizning klublar ushbu musobaqada g'olib bo'lishi uchun hali ancha yillar kerak ekan. Mustaqil bo'lganimizga 30 yil bo'ldi deb hisoblasak, yana shuncha vaqtdan so'ng kimdir OCHLni yutib qolsa kerak. Albatta, boshqa variantlarni ham tanlaganlar bor, biroq ular juda kamchilik. Balki 50 yil varianti bo'lganida, 30 yilni ortda qoldirgan bo'larmidi?