Терма жамоа делегация раҳбари Асқар Толибжонов бошчилигида Баҳрайнга чартер рейс орқали соат 09:30да учиб кетади. Маълумот учун, кеча Тошкентга уч нафар легионеримиз Виталий Денисов, Одил Аҳмедов ва Санжар Турсунов ҳам етиб келишди, бироқ машғулотларда қатнашишмади.

Денисов жароҳати тузалмаганлиги туфайли Баҳрайнга қарши ўйинда иштирок эта олмайди. Шу боис у сафарга бормайдиган бўлди. Унинг ўрнини Воҳид Шодиев тўлдирди.

Бугун ва эртага Манамада бўладиган машғулотларда жамоамиз тўлиқ таркиб билан шуғулланади. Самвел Бабаян бу ўйинга қуйидаги футболчиларни олиб кетади:

Дарвозабонлар: Александр Лобанов "Пахтакор", Элдор Суюнов "Насаф", Игнатий Нестеров "Локомотив".

Ҳимоячилар: Даврон Ҳошимов "Пахтакор", Егор Кримец "Пахтакор", Анзур Исмоилов "Чанчун Ятаи" (Хитой), Ислом Тўхтахўжаев "Локомотив", Шавкат Муллажонов "Локомотив", Шуҳрат Муҳаммадиев "Насаф"

Ярим ҳимоячилар: Одил Аҳмедов "Краснодар" (Россия), Сервер Жепаров "Ульсан Хюндай" (Ж.Корея), Азиз Ҳайдаров "Ал Шабаб" (БАА), Фозил Мусаев "Сепахон" (Эрон), Сардор Рашидов "Ал Жайиш" (Қатар), Санжар Турсунов "Ворскла" (Украина), Станислав Андреев "Пахтакор", Жавоҳир Соҳибов "Пахтакор", Жасур Ҳасанов "Локомотив", Санжар Шоаҳмедов "Локомотив".

Ҳужумчилар: Марат Бикмаев "Локомотив", Игорь Сергеев "Пахтакор", Элдор Шомуродов "Бунёдкор", Воҳид Шодиев "Бунёдкор".

Эслатиб ўтамиз, Баҳрайн - Ўзбекистон учрашуви 8 октябрь куни Тошкент вақти билан соат 20:00да бошланади.

Ўзбекистон МТЖ бугун Денисовсиз Манамага учиб кетади