Bugun, 3 oktyabr kuni ham Vadim Abramov boshchiligidagi terma jamoamiz azolari "Jar" stadionida mashg'ulot o'tkazishdi. Tarkibda o'zgarishlar kuzatilmadi, xuddi kechagidek 24 nafar futbolchi shug'ullandi. To'rt nafar legioner shu kunlarda terma jamoa ixtiyoriga kelib qo'shilishadi.

Uch nafar posbon bilan doimgidek Denis Ivankov ishladi. Birinchi kungi mashg'ulotlarni individual tarzda o'tkazgan Xojiakbar Alijonov umumiy guruhga qaytdi. Terma jamoamiz shifokori Abror Pirrievning aytishicha Alijonovda kichik shamollash kuzatilgani uchun dastlabki kuni u yakka tartibda ishlagan.

Abramov terma jamoaga qaytgach mashg'ulotlar butunlay ochiq bo'layotgani jurnalistlarni quvontirayotgani aniq. Biroq bazi hamkasblarimizning buni suiistemol qilishayotgani ko'ngilni biroz xira qildi. Jahon chempionati saralash bahslariga tayyorgarlik ko'rayotan terma jamoaning mashg'ulotlari vaqtida (!!!) ulardan maydonning o'zida (!!!) intervyu olishga harakat qilish tashqaridan juda va juda xunuk ko'rindi.

Tez orada saytimizga ikkinchi kungi mashg'ulotlardan videolavha hamda Lutfulla To'raev bilan qisqa intervyuni joylaymiz. Shunday ekan Championat.asia saytini va uning yutubdagi rasmiy kanalini kuzatib boring.

O'zbekiston MTJ. Ikkinchi kungi mashg'ulotlar haqida