Bugun terma jamoamiz Srechko Katanec boshchiligida Qatar poytaxtidagi dastlabki mashg'ulotni o'tkazdi. Unda ichki chempionatdan chaqirilganlar va ayrim legionerlar ishtirok etishdi. Jumladan, Otabek Shukurov, Umar Eshmurodov, O'tkir Yusupov, Abduqodir Husanov, Hojimat Erkinov, Husniddin Aliqulovlar mashg'ulotda to'liq qatnashishdi. Afsuski, Jaloliddin Masharipov biroz betobligi saba, Aziz Turg'unboev esa jamoasining oxirgi o'yinida olgan kichik jarohati sabab bugungi mashg'ulotni o'tkazib yuborishdi.
O'zbekiston terma jamoasi sardori Eldor Shomurodov bugun mashg'ulot bo'lib o'tayotgan vaqtda Dohaga uchib kelgani bois mashg'ulotda qatnashmadi. Ertadan u ham jarayonga kirishadi.
Hozircha Qatarga hali etib kelmagan 2 legionerimiz qoldi. Bular: Rustam Ashurmatov va Abbosbek Fayzullaev. Ularning har ikkisi bugun tunda Dohaga etib kelishadi.
Tolibjon Qosimov, Dohadan maxsus
Barcha suratlar shu erda: FOTOGALEREYA
Izohlar