Olimpiya terma jamoamiz 19 dekabrdan 28 dekabrgacha Dubayda yig'in olib bordi. Bu yig'in doirasida dastlab KXDR olimpiya terma jamoasi 4:2 hisobida taslim qilindi. 23 dekabrda bo'lib o'tgan Suriyaga qarshi bahsda 0:1 hisobida imkoniyat boy berilgan bo'lsa, so'nggi o'rtoqlik uchrashuvida Qatar olimpiyachilari mag'lub etildi - 2:0.

Bugun jamoa delegaciyasi Dubay-Toshkent yo'nalishi bo'yicha uchishadi va Toshkent vaqti bilan 18:00da yurtimizga etib kelishadi.

Eslatib o'tamiz, O'zbekiston olimpiya terma jamoasi yanvar oyida Qatar poytaxti Doxa shahrida bo'lib o'tadigan yoshlar o'rtasidagi U-23 Osiyo chempionatiga tayyorgarlik ko'rmoqda. Ushbu qita chempionatida vakillarimiz guruhda Janubiy Koreya, Iroq va Yaman bilan o'ynaydi.

O'zbekiston OTJ bugun Toshkentga qaytib keladi