Ўша саралашга тайёргарлик кўриш мақсадида Олимпия терма жамоамиз эртага Тошкентда йиғинни бошлайди. Хабарингиз бор, аввалроқ Ўзбекистон олимпия терма жамоасини Миржалол Қосимов бошқариши ҳақида хабар қилинган эди. Аммо “Бунёдкор” клуби бош мураббийи соғлиғи билан боғлиқ муаммолар туфайли Олимпия терма жамоасини бошқара олмаслигини маълум қилган. Шундай бўлсада, ўз тажрибаси ва маслаҳатлари билан ҳамиша терма жамоага ёрдам беришга тайёр эканини ҳам билдириб ўтди.

Шундан сўнг терма жамоага хориждан мураббий олиб келиш ишлари бошлаб юборилди. Айни пайтда ЎФА мутасаддилари бу масала борасида жиддий иш олиб боришмоқда. Унгача Ўзбекистон олимпия терма жамоасини таниқли мутахассис Равшан Ҳайдаров катта мураббий сифатида шуғуллантириб туради.

Равшан Ҳайдаров ёшлар билан ишлаш бўйича катта тажрибага эга мутахассис ҳисобланади. Жумладан, унинг қўлостида Ўзбекистон U-23 терма жамоаси шу йилнинг январь ойида Хитойда ўтган Осиё чемпионатида ғолибликка эришган эди.

Равшан Ҳайдаров мазкур йиғин давомида терма жамоага номзод бўлган қуйидаги футболчиларни синовдан ўтказиб олади.

Дарвозабонлар:
Эргашев Умиджон
Ҳамроев Умиджон
Зиёвутдинов Низомиддин

Ҳимоячилар:
Қобилов Ислом
Алижонов Илҳом
Ғофуров Ҳусниддин
Алиқулов Ҳусниддин
Насруллаев Шерзод
Саитов Дилшод
Сатторов Худойшукур
Рустамов Ойбек

Ярим ҳимоячилар:
Абдуллаев Абдулла
Муҳитдинов Шароф
Исмоилов Аброрбек
Ўрунов Остон
Умиров Даврон
Нуруллоев Суҳроб
Тўхтасинов Нурилло
Қодирқулов Санжар
Икромов Фаррух
Рашидхонов Ислом

Ҳужумчилар:
Абдихолиқов Бобир
Амонов Азизбек
Мираҳмадов Миржаҳон

Ўзбекистон ОТЖ эртага Тошкентда йиғин бошлайди. Мураббий Миржалол Қосимов эмас, Равшан Ҳайдаров бўлади