Piter Xyuistra: - Kubokni yutish hamisha yoqimli. Birinchi rasmiy o'yin uchun jamoalar yaxshi futbol ko'rsatishdi. Natija ijobiy bo'lganidan xursandmiz.

- O'yin davomida Eren Derdiyok jarohat oldi va almashtirilgach Cheran hujumga o'tdi. Mavsum davomida ham shunday bo'ladimi yoki Derdiyokning o'rnini to'ldira oladigan hujumchi bormi?
- Keyingi o'yin 10 mart kuni, umid qilamizki Derdiyok keyingi bahsda bizga yordam beradi. Imkon boricha tarkibimizda bor futbolchilardan foydalanamiz. Bizda oldinda bir necha variantlar bor. Uning o'rnini to'ldirish imkoniyatiga egamiz. Chempion boshlanguncha balki yangi futbolchi olarmiz, agar bunday bo'lmagan holda bor imkoniyatlardan foydalanmiz. Mavsum davomida buni namoyish etishga urinamiz.

- G'alaba bilan tabriklaymiz! "Paxtakor" qachon OCHLda O'zbekiston sharafini munosib himoya oladi? Jamoaning potenciali qanday?
- Mavsum oldidan tarkibni kuchaytirishga intildik, tan olish kerak ko'plab futbolchilar ketishdi. Tarkibda bor futbolchilar bilan mavsum davomida barcha musobaqalarda g'olib chiqishga intilamiz. Barcha futbolchilarni jipslashtirgan holda g'alabalarga intilamiz.

- O'yin boshida "Nasaf" jamoasi pressing orqali "Paxtakor"ni shoshirib qo'ydi...
Piter Xyuistra: - Jamoalar raqibning kuchli taraflarini zararsizlantirishga intiladi. Raqib ham shunday qilishga urindi. Biz keyinroq tashabbusni o'z tomonimizga og'dirdik. O'yinni nazorat qildik va tartibli o'yin ko'rsatdik. Ikkinchi bo'limda esa ko'proq hududlar yuzaga keldi. "Nasaf" kuchli pressing qilganida ham yigitlarimiz yaxshi o'ynashdi.

O'zbekiston Superkubogi. Piter Xyuistra: "Nasaf" kuchli pressing qilganida ham yigitlarimiz yaxshi o'ynashdi"