Янгиланиш натижасида "Рома" ва Ўзбекистон терма жамоаси ҳужумчиси Элдор Шомуродовнинг нархи 1 млн еврога қимматлади. Энди у 5 миллион еврога баҳоланмоқда.

Шомуродов ўтган мавсум "Рома" сафида 37 ўйин (15 таси асосийда) ўтказиб, 7 та гол урди ва 5 та голли узатмани амалга оширди. Бундан ташқари, Элдор икки марта – февраль ва апрель ойларида "Рома"да ойнинг энг яхши футболчиси деб топилган эди.

Transfermarkt'нинг рус бўлими раҳбари Георгий Лекарев:

"Бозор баҳосининг ошишига "Рома" Шомуродовга яна ишона бошлагани сабаб бўлди. У ўз имкониятларидан муваффақиятли фойдаланди. Элдор яхши формага кириб олди ва рақобатга чидамли футболчига айланди. Шомуродовнинг ёши бозор қиймати янада ошишига йўл қўймайди. Ваҳоланки, А Серияда у ўз ёш тоифасида (29-32 ёш) ҳужумчилар орасида иккинчи ёки учинчи ўринда туради. Фақат Ромелу Лукаку Шомуродовдан қимматроқ, Жованни Симеоне эса шунга ўхшаш нархга эга".

Ўзбекистон терма жамоаси сардори Элдор Шомуродовнинг нархи ошди