Ahmadjon Musaev bosh murabbiyligidagi jamoa bugun "Chig'atoy" bazasidagi suniy qoplamali maydonda mashg'ulot o'tkazdi.
Ushbu yosh toifasida rasmiy musobaqalar yo'q, lekin turli xil festivallar va turnirlar doimiy tarzda o'tkazib kelinadi.

Bugungi mashg'ulotdan so'ng Ahmadjon Musaevdan kichik intervyu oldik.
"Bu jamoa endi yig'ilmoqda, hozir faqat Toshkentdagi yosh o'yinchilarni yig'inga jalb etganmiz. "Paxtakor", "Bunyodkor", "Lokomotiv", "Spartak" jamoalaridagi futbolchilarni kuzatyapmiz. Yigitlar yaxshi, umidlilari anchagina.

Keyingi yig'inlardan vodiy, vohadagi o'yinchilarni ko'zdan kechiramiz. Selekciya ishlarini shu tarzda olib boramiz. Bir nechta yig'inimiz asosan selekciya uchun o'tkaziladi", - deydi Ahmadjon Musaev.

O'zbekiston U-13 terma jamoasi yig'inga kirishdi