Undagi asosiy yangiliklardan biri taniqli sharhlovchi Davron Fayziev "90minutuz" ijodkorlari qatoriga qo'shilganida bo'ldi.

Podkastning bu galgi sonida O'zbekiston U-17 terma jamoasining Osiyo Kubogidagi muvaffaqiyatli ishtiroki, o'smirlar, yoshlar terma jamoalari va MTJ o'rtasidagi bog'liqlik, klub va terma jamoadagi yig'inidagi sifat, U-17 avlodini yo'qotmaslik uchun nimalar qilish zarurligi, Husanov atrofidagi vaziyat, "yulduzlik kasali", ECHLdagi to'qnashuvlar, Italiya futboli: yaxshi formadagi Shomurodov va tarixiy ahamiyatga ega BAA – O'zbekiston uchrashuvi haqida so'z bordi.

Xususan, podkast mualliflaridan biri Nodirxo'ja Yuldashevning malum qilishicha, U-17 Osiyo Kubogida o'zini ko'rsatgan 15 yoshli o'zbek futbolchisiga Evropa klublari tomonidan qiziqish mavjud.

"Muhammad Hakimovni juda ko'pchilik etirof etyapti. Unga "Nyukasl", "Rapid" va "Strasbur" jamoalari qiziqmoqda. U va Asilbek Aliev 2009 yilda tavallud topgan. Aliev to'purar bo'ldi, Hakimov himoyani mustahkam ushladi.
Hakimov qanday qilib terma jamoaga kirganini bilasizlarmi? U yaqingacha termada bo'lmagan. Gap shundaki, 2 oy oldin 2009 va 2008 yilgi futbolchilar bir paytda Saudiya Arabistoniga yig'inga yo'l oldi. O'sha yig'inda 2008 yillar o'yinini o'ynab bo'lgan, ortidan 2009 yillar o'ynashi ko'zda tutilgan. Uchrashuvlar yonma-yon maydonda o'tkazilgan. Murabbiylar shtabi o'yinni kuzata turib Hakimovni payqab qolishgan. Bunga qadar u faqat 2009 yillar termasida to'p tepgan. Odil Ahmedovnikiga o'xshash vaziyat takrorlandi, yani Hakimov tayanch yarim himoyasida emas, himoyada harakat qildi. Xabaringiz bor, Abramov o'z paytida Ahmedovdan tayanch yarim himoyasida emas, himoyada foydalanib turardi.
Hakimovning yutug'i – hujumni yaxshi boshlash ko'nikmasi borligida. Shuning uchun bemalol markaziy himoyadan turib hujumni boshlab turdi", – dedi Yuldashev.

"90minutuz" podkasti to'liq holda:

O'zbekiston U-17 terma jamoasi futbolchisiga "Nyukasl", "Rapid" va "Strasbur" qiziqmoqda!