2015 yilning noyabr oyida bo'lib o'tgan FIFA hakamlar qo'mitasi majlisida 2018 yili Rossiyada o'tkaziladigan Jahon chempionatida ishlashi mumkin bo'lgan hakamlar saralab olingan edi. Futbol olamidagi eng nufuzli turnirga munosib tayyorgarlik ko'rish maqsadida FIFA qanot hakamlari uchun maxsus o'quv-seminarlarini o'tkazadi.

Ushbu seminar Marokashning Agadir shahrida, 23 - 27 may kunlari bo'lib o'tadi. Unda OFKga azo mamlakatlardan jami 14 nafar qanot hakamlari ishtirok etadi.

Avvalroq, Abduhamidullo Rasulov hamda Jahongir Saidov bilan bir brigadani tashkil qiladigan FIFA referisi Ravshan Ermatov ham shu yilning 11- 15 aprel kunlari tashkil etiladigan FIFAning Jahon chempionatida ishlashi kutilayotgan nomzod bosh hakamlar uchun seminarida ishtirok etishi haqida ham xabar bergan edik.

O'zbekistonlik qanot hakamlari FIFA seminarida ishtirok etadi