Ҳамрохон Мусурмонова томонидан ёзилган “Ўзимизнинг Ахбор ака” номли янги китоби таниқли спорт шарҳловчисининг 80 ёшли юбилейига атаб ёзилди. Ушбу китобда Ахбор доданинг ҳаёт йўли ва фаолияти ҳикоя қилинади.

Ўзбекистон миллий паралимпия қўмитасида ушбу китобнинг тақдимот маросими бўлиб ўтди. Тақдимот маросимида китоб муаллифи Ҳамрохон Мусурмонова, Ахбор Имомхўжаев ва уларнинг яқинлари, дўстлари ҳамда шогирдлари иштирок этишди.

Йиғилганлар шу ернинг ўзида китобни харид қилиш ва шахсан Ахбор Имомхўжаевнинг дастхатини қўйдириб олиш имкониятига эга бўлишди. Ахбор додамиз эринмай ҳар бир китоб эгасига тилак билан ўз дастхатларини қўйиб бердилар.