Bo'lajak uchrashuv jamoalarning birinchi rasmiy uchrashuvi sifatida tarix sahifalaridan joy oladi.

Toshkentning “Obod” jamoasi o'tgan ikki turda bor yo'g'i bir ochkoni qo'lga kiritdi. 1-turda ular Qo'qon shahrida mahalliy “Qo'qon-1912” jamoasi mehmoni bo'ldi. Uchrashuv qo'qonliklarning 1:0 hisobidagi g'alabasi bilan yakunlandi. Xabaringiz bor, uchrashuvdagi yagona gol 74-daqiqada Ilya Ilin tomonidan kiritildi.

12 mart kuni 2-turda “Obod” jamoasi o'z maydoni – “Jar” stadionida Buxoroning “Buxoro” jamoasini qabul qildi va golsiz durangga imzo chekdi.

“Nasaf” esa o'tgan ikki turda 100 foizlik natija qayd etib, 6 ochko to'plashga erishdi.

Eng qiziqarlisi, “Obod” jamoasida klubimizning sobiq azosi Sanjar Baratov to'p tepadi. S.Baratov muqaddam “Nasaf” jamoasi o'rinbosarlari va birinchi ligada ishtirok etadigan “Nasaf-2” jamoamizda hujumchi sifatida faoliyat yuritgan.

Bo'lajak uchrashuv shubhasiz qiziqarli bo'ladi. Chunki turli terma jamoalarga taklif olgan o'yinchilarimiz ham ushbu o'yinga qadar jamoamiz ixtiyoriga kelib qo'shilishadi. Qolaversa bu uchrashuv jamoamiz oldida turgan Osiyo chempionlar ligasi 4-turidagi Qatarning “Al-Jayish” klubiga qarshi o'yinga tayyorgarlik vazifasini o'tab beradi.

"Nasaf"ning “Obod”ga qarshi uchrashuvi 1 aprel juma kuni soat 18:00da “Markaziy” stadionda boshlanadi.

Jamoalarning o'rinbosarlari o'rtasidagi uchrashuv esa 31 mart payshanba kuni soat 15:00da Sputnik qo'rg'onidagi “Mehnat” stadionida boshlanadi.

Quyida uchrashuvga tayinlangan hakamlar haqidagi malumotni yana bir marta eslatib o'tamiz.

O'zPFL 3-tur. 01.04.2016.
Nasaf (Qarshi) – Obod (Toshkent)
“Markaziy” stadion. Soat 18:00da
Bosh hakam:Rustam Bobomurodov (Navoiy),
Qanot hakamlari: Obid Jumaev (Navoiy), Andrey Snetkov (Toshkent vil.),
Zaxira hakami: Elyor Tursunov (Buxoro)
Nazoratchi: Ibrohim Sharipov (Buxoro)
O'zPFL vakili: A. Frolov.

Barcha futbol ishqibozlarini "Nasaf" ishtirokidagi o'yinga taklif etib qolamiz.

O'zPFL 3-tur. “Nasaf” – “Obod” uchrashuvi oldidan