Мазкур ташриф жараёнида Фарғона давлат университети қошида ташкил этилган "ФарДУ" футбол клубининг келгусидаги фаолияти, олдиндаги режа ва мақсадлар, ҳамда клубда лицензиялаш талаблари юзасидан амалга оширилаётган ишлар ўрганиб чиқилди.

Делегация вакиллари ва клуб раҳбарияти ўртасида дастлаб университет анжуманлар залида учрашув ташкил этилди. Шундан сўнг "ФарДУ" спорт мажмуасида лицензиялаш талаблари юзасидан амалга оширилаётган бунёдкорлик ишлари таништирилди.

Таъкидлаш жоиз, мазкур ташриф давомида ЎзПФЛ раҳбари Диёр Имомхўжаевга "ФарДУ" футбол клубининг 25-рақамли рамзий футболкаси ҳам тақдим этилди.

Бекзод Толибов, Фарғона шаҳридан Championat.asia учун

ЎзПФЛ делегацияси "ФарДУ" клубида лицензиялаш талаблари бажарилиши юзасидан ўрганиш олиб борди