"To'g'risi, Franciyaga qarshi og'ir o'yin o'tkazdik. Ancha mashaqqat chekdik. Ammo g'alaba qozonishni uddaladik. Endilikda Braziliyadan revansh olishga harakat qilamiz.
Turnir davomida ko'p gol o'tkazib yubordik, bu xavotirli bo'lishi mumkin. Biroq final butkul boshqacha bo'ladi va futzalchilar ko'proq kuch sarflashib, butkul boshqacha o'yin namoyish etishadi. Shu bois bu bizni tashvishga solmaydi.
Futbolni oladigan bo'lsak, Messi boshchiligidagi Argentina terma jamoasi amaldagi jahon chempioni hisoblanadi. Umid qilamanki, biz ham ular qilgan ishni takrorlaymiz. Messi bilan suhbatlashish nasib qilmagan, lekin aminmanki, u futzalni diqqat bilan kuzatib boradi, bunga Instagram sahifasida joylagan futzalga oid postlari isbot bo'la oladi.
Shuni takidlash joizki, biz ketma-ket uchinchi marotaba jahon chempionati finalida o'ynaymiz. Argentinalik futzalchi uchun bu sharaf.
Agar Braziliya bizdan bir kun keyin Ukrainaga qarshi o'ynaganda, men ham finaldagi raqib sifatida Braziliyani tanlagan bo'lardim. Chunki Argentina-Braziliya qarama-qarshiligidan ko'ra shiddatli va maroqliroq o'yin yo'q, bunaqasi kamdan-kam uchraydi. Biz bundan zavqlanamiz, nima bo'lishini esa Xudo biladi", Taborda.

Eslatib o'tamiz, 6 oktyabr kuni Argentiga jahon chempionati finalida Braziliya bilan to'qnash keladi.

Oqil Abdubarnoev suhbatlashdi.

Pablo Taborda: "Messi bizni kuzatib boradi. Agar narigi yarim finalchilar bizdan keyin o'ynaganda, finaldagi raqib sifatida Braziliyani tanlagan bo'lardim"