"Manchester Siti" mashg'ulot maydoni tashqarisida sevimli o'yinchisini ko'rishni kutadiganlar bu iboraning manosini darrov anglab olishgandir.

Norvegiyalik forvard muxlislar yoniga to'xtab, dastxat ulashishi bilan mashhur. Ammo "Etihad" kampusiga kirishdan oldin Erlingni og'zida osilgan sabzi bilan turgan holatda guvohi bo'lishingiz mumkin.

Darhaqiqat, sabzi istemol qilish Xolandning avtomobildagi ermagiga aylanganga o'xshaydi, bazilari u shunchaki yosh muxlislariga sog'lom ovqatlanish uchun yaxshi o'rnak ko'rsatishga harakat qilmoqda, deb taxmin qilishmoqda.

Boshqalarning fikricha, bu usul joriy mavsum Premer-liganing to'purarlar ro'yxatida etakchilik qilish siri sanaladi, Xoland "shaharliklar" tarkibida 22 o'yinda 26 ta gol urgan.

Out Of Context Football Xoland mashinasida sabzi eyayotgani tasvirlangan bir nechta suratlarni Twitter akkauntiga joylashtirdi va bu post muhokamalarga sabab bo'ldi.

Kuzatuvchilardan biri: "Farzandlaringizga sabzini istemol qilishlarini ayting, shunda ular Xolandga o'xshab qolishadi" desa, boshqasi shunday deb yozgan: "Papayda ismaloq bor, Xolandda esa sabzi".

Eslatib o'tamiz, "Siti" forvardi ayni damda top-5 chempionatlarida to'purar bo'lib turibdi.