Bu ishlarning natijasini va ish faoliyatini esa shaxsan yurtboshimizning o'zlari nazorat qilmoqda va bunga javoban viloyatlar va tumanlarda qolaversa chekka-chekka qishloqlarda yosh umidli bolalarni tarbiyalanib, katta futbolga olib kelinmoqda. Hozircha esa natijalar yomon bo'lmayapti nazarimizda.

Ammo olib borilayotgan islohatlarning “masofasi” uzunroq emasligi ko'ngilni ozgina xira qiladi. Yani bir necha kun ilgari biz Samarqand viloyati Paxtachi tumani Qarnab ota qishlog'iga sayoxat qilgandik. Bu erdagi bolalarni, umidli yoshlarni ko'rib, qani endi bularga bir sport majmuasi bo'lsayu ular ham katta futbolda ko'rinish bersa degan fikr uyg'ondi. Sababi bu erdagi qurilgan ammo qarovsiz qolib ketgan stadion va kurash sport majmuasi haligacha mutassaddilarning etiboridan chetda qolmoqda. To'g'ri qurilgan paytda juda havas qilgulik darajada bo'lgan bu maydon ayni damga kelib ayanjli ahvolga tushib qolgan.

Bilasizmi bu erdagi yosh avlodning bizga murojati juda tasirli bo'ldi. Ularning Samarqand viloyati futbol associaciyasiga murojatlari javobsiz qolgani esa bizningcha ham kunglida futbolga mexri bor insonni xam mexrini yo'q qilib quyishi aniq. Stadionda na futbol o'ynasa bo'ladi, na to'p tepsa bo'ladi.

Aniqlik kiritilishicha stadion Navoiy kon-metallurgiya kombinatiga qarashli bo'lim tomonidan qurib qishloq yoshlariga foydalanishga topshirilgan. Korxonaning sport bo'limi esa hozirda o'zlarining ishlari bilan bandlar. Ammo bu paytda hududiy associaciya yordamga kelishi kerak nazarimizda. Ushbu qishloqqa bir marta ham kelmagan futbol mutassaddilaridan nazarini va ozgina bo'lsa ham mehrini shu kichik maydonchaga qaratsa, balki kelajagi porloq yosh futbolchilarni kashf etishda katta yordam bergan bo'larmidi.

Shohruh Meylixolov

Agar sizning ham tumaningizda shunday qarovsiz stadionlar bo'lsa suratlari va malumotlarni telegram orqali @chamasia ga yuboring.

Paxtachi tumanidagi stadion qarovsiz ahvolga kelib qoldi