Chempionlik uchun kurash olib borayotgan jamoalar o'rtasidagi uchrashuv nafaqat turning, balki ikkinchi davraning eng muhim o'yinlaridan biri sanaladi. Undagi g'alabaning qiymati ancha yuqori turadi. Jamoalar ikkinchi davrada 4tadan g'alaba qozonib, bittadan durang o'ynashdi.

Bellashuvni jamoamiz himoyachisi Davron Hoshimov diskvalifikaciya tufayli o'tkazib yuboradi.

Oliy ligada jamoalar 21 bor maydonga tushgan. Shulardan 14tasida "sherlar" g'olib bo'lishgan, 5ta o'yinda g'olib aniqlanmagan. "Lokomotiv" hozirga qadar "Paxtakor"ni ikki marta mag'lub etgan. To'plar nisbati “Paxtakor” foydasiga 52:18ni tashkil qilmoqda.

Jamoamiz o'z maydonida bo'lib o'tgan 10 o'yinning 7tasida g'olib bo'lgan. Ikki marta durang qayd etilgan. Faqat bir bor (2013 yil) "Lokomotiv" uch ochko bilan qayta olgan. Birinchi davrada raqib 2:1 hisobida zafar quchgandi.

Uchrashuvni Ravshan Ermatov boshchiligidagi hakamlar guruhi boshqaradi. Ushbu mavsum oliy ligada u jamoamiz ishtirokidagi 3 o'yinni boshqardi. Unda "Bunyodkor" va "Nasaf"ni mag'lub etib, "Lokomotiv"ga imkoniyat boy berilgan.

Yoshlar tarkiblari bahsi 11 sentyabr, juma kuni soat 16:30da Qibraydagi stadionda boshlanadi. Asosiy jamoalar esa 12 sentyabr, shanba kuni soat 17:30da "Paxtakor" stadionida bellashuvni boshlashadi.

Chiptalarni stadion kassalaridan 5 va 15 ming so'mdan xarid qilishingiz mumkin.

"PAXTAKOR" - "LOKOMOTIV"

Hakamlar: Ravshan Ermatov (Toshkent), Abdulhamid Rasulov (Toshkent), Jahongir Saidov (Toshkent), Akobir Shukurullaev (Toshkent).

Nazoratchi: Arslon Hotamov (Toshkent).

"Paxtakor": 21-tur prevyusi: "Paxtakor" - "Lokomotiv"