O'yin haqida

- Avvalo barcha futbol ishqibozlariga o'z minnatdorchiligimizni bildiramiz. Uzoq masofadan kelib qo'llab-quvvatlagan angrenlik muxlislarga ham rahmat. Birinchi liga klubi bilan Superliga jamoasiga qarshi o'ynash oson kechmagan. Yigitlar o'zlarini yomon ko'rsatmadi. Lekin taktik, texnik jihatdan Superliga futbolchilari ko'rinib turdi. Ikkinchi golni o'tkazib yubormaganimizda balki o'yinning shiddati tushib ketmas edi. O'zimizning xatolarimiz evaziga gollar olib keldik.

- Bugun legionerlar maydonga tushmaganiga izoh bera olasizmi?

- Ular bilan yaqinda shartnoma imzoladik. Hali mashg'ulotlarda ularni to'liq ko'rib olganimiz yo'q. Chempionat o'yinlarida ularni o'ynatish niyatimiz bor.

- "Paxtakor-79" o'z oldiga yuqori maqsad qo'ygan klub hisoblanadi. Umuman klub haqida malumot bera olasizmi, kim tomonidan moliyalashtiradi?

- Klub prezidenti Kelvin Logo. O'zbekistonga futbolchi sifatida kelgan. Hozirda "Paxtakor-79" prezidenti. Klub xususiy. Angren mutasaddilari ham yordam berib, qo'llab-quvvatlab turishibdi.

- Angrendan ko'plab muxlislar tashrif buyurishdi. Ular haqida fikringiz?

- Ochig'i xayron qoldim muxlislar juda fidoyi. Ularga yana bir bor minnatdorchilik bildirmoqchiman. Juda ahil, ijobiy baho bergan bo'lardim.

"Paxtakor-79" bosh murabbiyi Bobur Mahkamov: "Birinchi liga klubi bilan Superliga jamoasiga qarshi o'ynash oson kechmagan"