O'zbek futboli maktabining yorqin va o'chmas futbolchilaridan biri Stanislav Mitrofanovchi Stadnik 1940 yilning 21 may sanasida Toshkent shahrida tug'ilgan. Agar hayot bo'lganida bugun 80 yoshga to'lgan bo'lar edi. Stadnik faoliyati davomida SSSR sport ustasi unvoni bilan taqdirlangan. Moskvaning “Dinamo” klubi bilan sobiq ittifoq Oliy ligasida kumush medallariga ega chiqqan. SSSR Olimpiya terma jamoasida esa bitta uchrashuvda maydonga tushgan.

“Paxtakor” jamoasi tashkil etilgan dastlabki yillardanoq Stadnik o'zining iqtidori bilan boshqalardan ajralib turdi. Ushbu hujumchi klubda o'tkazgan yillari mobaynida Gennadiy Krasnickiy bilan ajoyib tandem hosil qilgan holda jamoani muvaffaqiyat sari etakladilar. 1962 yilda mazkur ikki o'yinchiga Moskvaning “Dinamo” jamoasi qiziqish bildira boshlagandi. Krasnickiy Toshkentda qolishga qaror qildi.

Stanislav Stadnik tepa qatorda chapdan ikkinchi

Stadnik esa Rossiya tomon yo'l oldi. U ushbu jamoa tarkibida 1962 yil 2 may kuni Belarus klubiga qarshi uchrashuvda debyutini nishonladi. Boshlang'ich tarkibda dastlabki daqiqalardan harakat qilgan futbolchi 81-daqiqada “Dinamo”ga g'alaba keltirgan ikkinchi golga mualliflik qildi. 1962/1963 yillarda moskvaliklar safida 18ta o'yinda qatnashib 2ta gol urdi va yana “Paxtakor”ga qaytdi.

Stadnikdagi aniq paslar, ajoyib texnika va aqlli taktik harakatlarga ega edi. Uning kamchiliklaridan boshlang'ich tezligi pastligida edi. Toshkentga qaytganidan so'ng uch yil o'tgach bosh murabbiy Mixail Yakushin bilan yuzaga kelgan mojaro sababli jamoadan ketishga majbur bo'ldi.

U faoliyati davomida “Qayrat”, “Tashavtomash”, “Trud” (Jizzax), “Xonqa”, “Politotdel” kabi jamoalarda to'p tepdi. Faoliyatini yakunlagach malum muddat murabbiy sifatida ishladi.

Stanislav Mitrofanovich 1998 yil 19 dekabrda Toshkentda vafot etdi.

Stanislav Stadnik xotira turniri

Mavlon Shukurzoda
O'zbek tiliga Abdulaziz Iskandarov tarjimasi

“Paxtakor” afsonasi Stanislav Stadnikni xotirlab