Toshkentning "Paxtakor" klubi musobaqadagi ishtirokini Eronning "Traktor" jamoasiga qarshi bahs bilan boshlaydi. Mazkur o'yin ertaga, Toshkent vaqti bilan 20:00 da start oladi.

Tabriz jamoasining ayni paytdagi holatiga unchalik ham havas qilib bo'lmaydi. Eronda milliy chempionatining 20-turi ortda qoldi. Bitta kam o'yin o'tkazgan "Traktor" futbolchilari musobaqa jadvalining 8-pog'onasini egallab turishibdi (27 ochko). Peshqadam "Persepolis" bilan oradagi tafovvut 14 ochkoni tashkil qilyapti. Jamoa 19 o'yinda atigi 17 ta gol urib, xuddi shuncha o'tkazib yuborgan.

Jamoaning gollariga quyidagi futbolchilar mualliflik qilgan:
9 - Muhammad Abboszoda
2 - Ashkan Dejaga
1 - M. Ganbari, H. Buhamdam, E. Hojisafi, M. Teymuri, M. Tikdarinajod, R. Xonzodehdarabi

Tabrizliklar 2021 yilda 11 o'yin o'tkazdi va 6 g'alaba, 3 mag'lubiyat, 2 durang qayd etdi. Jamoaning asosiy etakchilaridan biri Ehson Hojisafi mart oyida klubni tark etgani "Traktor"ning zarariga ishlashi mumkin. Ayni paytda jamoaning o'yini sardor Masud Shojaining atrofida qurilyapti. U hujumchi ortida harakatlanadi. Uning 2 yonida tajribali Ashkan Dejaga hamda tezkor Saman Narijamanjahon to'p tepadi. Mazkur uchlik markaziy hujum chizig'ida mutlaq etakchiga aylanib olgan Muhammad Abboszodani to'p bilan taminlashga harakat qiladi. Etiborli jihati, "Traktor" tarkibida legionerlar yo'q.

Taxminiy tarkib
"Paxtakor" bilan o'yinda quyidagi futbolchilar asosiy tarkibda maydonga tushish mumkin:
4-5-1: Muhammadrizo Axbarishod - Mehdi Tikdarinajod, Hodi Muhammadi, Muhammad Rizo Xonzodehdarabi, Meysam Teymuri - Akbar Imanigarex, Hamid Buhamdan, Ashkan Dejaga, Masud Shojai, Saman Narimanjahon - Muhammad Abboszoda.

"Traktor" bosh murabbiyi Rasul Xatibi OCHL o'yinlari uchun quyidagi futbolchilarni ro'yxatdan o'tkazgan.

Darvozabonlar:
1. Muhammadrizo Axbarishod
22. Mahdi Jajixat
23. Habib Farabbosi
69. Rizo Saifahmadi

Himoyachilar:
3. Muhammad Rizo Xonzodehdarabi
4. Hodi Muhammadi
11. Mehdi Tikdarinajod
34. Milod Sheyxfazruddini
44. Mirerfan Sayedi
55. Peyman Keshovarz
77. Muhammad Muslemipur
14. Meysam Teymuri

Yarim himoyachilar:
6. Akbar Imanigarex
7. Masud Shojai
8. Hamid Buhamdan
10. Saman Narimanjahon
15. Abulfazl Razzoqpurrizoyi
18. Ali Fathi Molud
21. Ashkan Dejaga
30. Sayid Abbosi
48. Sayid Muhammad Xoramulhuseyni
67. Sayyod Kokabi Asl
99. Muhammad Gaderi

Hujumchilar:
9. Peyman Babayi
33. Muhammad Abboszoda
38. Abulfazl Purshayx
70. Amin Asadi

OCHL-2021. "Paxtakor" - "Traktor" uchrashuvidan oldingi qiziqarli faktlar

"Paxtakor" ertaga "Traktor" bilan o'ynaydi. Eron klubi qanday holatda?