"Paxtakor" - "Nasaf" jamoalari o'rtasidagi har bir uchrashuv hech qachon oddiy darajada kechmagan. Muhimlilik darajasi doim yuqorib bo'lib kelgan. Toshkentda esa "Nasaf"ga hech qachon oson bo'lmaganini aytish mumkin. Qarshi klubi shu kungacha poytaxtda faqat 2 marotaba g'alaba qozongani misoldir. Jamoalarning poytaxtdagi ilk to'qnashuvi 1997 yilgi mavsumda ro'y bergan bo'lib, o'shanda darvozalarga 7ta gol urilgandi.

"Paxtakor" - "Nasaf" 4:3
05.10.1997. 28-tur. Toshkent. "Paxtakor" stadioni, 6 000 tomoshabin
Hakam: Aleksey Pivovarov
Gollar: Afzal Azizov 1:0, Dilmurod Nazarov 2:0, Dilmurod Nazarov 3:0, Yorqin Nazarov 4:0 - Ro'ziqul Berdiev 4:1, Aleksandr Borisov 4:2, Zafar Xolmurodov 4:3
"Paxtakor": Aleksey Roshin, Murod Aliev (Stanislav Morgulis,77), Andrey Miklyaev, Vladimir Buntov (Afzal Azizov, 22), Sobir Xodiev, Andrey Strelcov, Andrey Akopyanc, Yorqin Nazarov, Murod Otajonov, Samad Narziqulov (No'mon Nurmatov,57), Dilmurod Nazarov
"Nasaf": Oleg Qahhorov, Vadim Grishin (Shuhrat Asatov,78), Shuhrat Toshpo'latov, Nurali Sultonov, Baxtiyor Xoliqov, Ro'ziqul Berdiev, Shavkat Saidov, Rustam Oripov, Asror Aliqulov, Aleksandr Borisov (Zafar Xolmurodov,80), Baxtiyor Davlatov

1997 yilgi mavsum "Nasaf" uchun Superligadagi (Oliy Liga) ilk debyut mavsum bo'lgan. O'sha yili 18ta jamoa ishtirok etgan chempionat bahslarida "Nasaf" 6 o'rinni, "Paxtakor" 5 o'rinni egallagan edi. Chempionlik MHSK, kumush medallari "Neftchi"ga, bronza "Navbahor"ga nasib qilgan.

"Paxtakor" - "Nasaf". Toshkentda darvozalarga 7ta gol urilgan uchrashuvni yodga olamiz