Unda qishki transferlar oynasida jamoaga kelib qo'shilgan Oliver Sharkich, Mirjahon Mirahmadov, Aleksey Larin, Kamen Xajiev, Sardor Rashidov, Ikrom Aliboev, klub raisi o'rinbosari Dilshod Karimov, bosh direktor Dmitriy Adisman savollarga javob berib o'tishdi.

Dilshod Karimov: Assalomu aleykum hurmatli mehmonlar. Barchangizni ko'rib turganimdan xursandman. 2022 yilda o'zbek futbolida ko'p o'zgarish bo'ladi. Barcha jamoalar kuchaymoqda. Intriga oshadi. Bu o'zbek futboli rivoji uchun yaxshi deb o'ylayman. Qo'ldan kelgancha yangi futbolchilarni olib keldik. Ular orasida akademiyamiz tarbiyalanuvchilari ham bor. Mavsumni ijobiy natija bilan boshladik. O'ylaymanki Superkubok oxirgi sovrinimiz bo'lmaydi.

Oliver Sharkich: - Klub juda yaxshi va tashkiliy masalalar ajoyib yo'lga qo'yilgan. Mavsumga yaxshi tayyorlandik va yakshanba kuni Superkubokda g'alaba qozondik. Endi oldimizda Superliga va boshqa musobaqalarda yaxshi ishtirok etish vazifasi turibdi.

Jasur Yoqubov: - "Paxtakor" tarkibiga qaytganimdan baxtiyorman. Nasib qilsa, yaxshi o'yinlar ko'rsatib, muxlislar ishonchini oqlash va jamoaga foyda keltirishga harakat qilaman.

Kamen Xadjiev: - Superkubok bahsida bizni muxlislar ajoyib qo'llab-quvvatlashdi. Birinchi sovringa erishdik. Mavsum oxirida ko'proq sovrinlar bilan o'tiramiz degan umiddaman.

Sardor Rashidov: - "Paxtakor" yuqori o'rinlar uchun kurashadigan jamoa. Shu mavsumni oxirida kubok oldiga yana 2ta sovrin qo'shish niyatimiz bor.

Aleksey Larin: "Paxtakor" yuqori maqsadlarni oldiga qo'ygan klub. Tashkilotchilik ajoyib yo'lga qo'yilganligini aytish joiz. Mashg'ulot va o'yinda bizdan talab qilingan natijani ko'rsatishga harakat qilamiz.

Ikrom Aliboev: - "Paxtakor" men uchun begona emas. Faoliyatimni shu erda, klub akademiyasida boshlaganman. Bu erdagi debyutimda Superkubokni qo'lga kiritdik. Hali yana boshqa sovrinlarga ega chiqishni istayman.

Mirjahon Mirahmadov: - Yigitlar deyarli barcha narsani gapirib bo'lishdi. Ular aytgandek, hamma sovrinlarga erishishni xohlaymiz. O'zimga ishonaman. Asosiy tarkibdan joy olib, muhim gollar urishga harakat qilaman.

- Turkiyadagi yig'inlarda o'zingizni ko'rsatishga qiynaldingiz. Hujumchi sifatida bor potencialingizni ko'rsata olmadingiz, deya olaman. Oldinda uzoq va qiyin mavsum kutib turibdi. Bu borada o'zingizga nisbatan ishonch qay darajada?

Oliver Sharkich: - O'zimni ko'rsatishga tayyorman. Meni bu erga taklif etishda adashishmaganini isbotlashni istayman. Ularning ishonchini oqlashga bor kuchimni beraman. Ishqibozlarni chiroyli o'yinlar bilan xursand etishni

Mirjahon Mirahmadov: O'zimga yuz foiz ishonyapman. Gollarim bilan ishqibozlarni xursand qilishga harakat qilaman.

- Oliver yangi jamoaga moslashish qanday ketyapti?

Sharkich: - "Paxtakor" bitta oila. Hamma yordam bermoqda. Tilimiz o'xshash bo'lgani uchun Dragan Cheran bilan ko'p muloqotda bo'laman. Kamen, Sardor bilan ham shunday. O'ylaymanki, bunda muammo bo'lmaydi.

- "Paxtakor" OCHLda qanday maqsad qilgan? O'zbekiston chempionatini yutish jamoa uchun yangilik hisoblanmaydi...

Voyneski: - Har bir ligani yutish qiyin. Hech bir joyda sovringa ega chiqish oson emas. Superkubok o'yini qanchalik og'ir kechganini hamma ko'rdi. Har bir jamoa bizga jiddiy qarshilik ko'rsatishga urinadi. Chempionlar Ligasida guruhdan chiqishni istaymiz. O'yinlar Ramazon oyida bo'ladi va biz barchani hisobga olishimiz kerak. Biz har 4-5 kunda maydonga tushishimiz lozim. Shunday tig'iz taqvimda o'ynaymiz. Aprel va mayda juda ko'p o'yinda maydonga tushamiz. Bu holatda barcha kichik jihatlargacha etibor qaratamiz. Milliy terma jamoada ham o'nga yaqin futbolchi to'p tepadi.

- To'rtinchi turda "Paxtakor" "Navbahor" bilan to'qnash keladi. Odatda bu ikki jamoadagi o'yinlarda haqiqiy jang guvohi bo'lamiz. Bu safar ham shunday bo'ladimi?

Ikrom Aliboev: - Faqat "Navbahor" bilan o'yinlarda emas, balki butun mavsum mobaynida o'zimning borimni berishga harakat qilaman.

Mirjahon Mirahmadov: - Har bir bellashuvda raqib kim bo'lishidan qati nazar "Paxtakor" uchun foyda keltirishga intilaman.

Kamen Xadjiev: - Raqibning ahamiyati yo'q. Borimizni berishga harakat qilamiz.

"Paxtakor" Superliganing yangi mavsumi oldidan tanishtiruv marosimini o'tkazdi