"Paxtakor" va "Nasaf" o'rtasidagi uchrashuv haqida nimalarni bilamiz?

1. Bu klublar joriy mavsumda 4-bor to'qnash kelishadi. Oldingi o'yinlarning barchasi "sherlar" foydasiga hal bo'ldi:

6 mart. "Paxtakor" 1:0 "Nasaf" (Superkubok)
10 mart. "Nasaf" 2:3 "Paxtakor" (Superliga, 1-tur)
6 avgust. "Paxtakor" 1:0 "Nasaf" (Superliga, 14-tur)

2. Bu klublarning kubok doirasidagi 18-to'qnashuvi. Oldingi o'yinlarning 7 tasida "Paxtakor" zafar quchgan, 5 ta o'yinda "Nasaf" yutgan va xuddi shuncha durang (To'plar nisbati - 27:19).

3. Shuningdek, "Nasaf" 3-marta musobaqa finalida "Paxtakor" qarshisiga chiqyapti. Oldingi o'yinlar poytaxt klubining 3:1 hisobdagi g'alabasi bilan yakun topgandi.

4. Bugungi o'yinni quyidagi futbolchilar diskvalifikaciya tufayli o'tkazib yuboradi: "Nasaf"dan Marko Stanoevich hamda Jo'rabek Mannonov, "Paxtakor"dan Dragan Cheran va Sherzod Azamov.

5. Bundan tashqari Vladimir Kozak, Egor Krimec, Husniddin Aliqulov va Abduvohid Nematov singari o'yinchilar ham o'z jamoalariga yordam bera olishmaydi (jarohat).

6. "Dinamo" stadioni 3-bor mamlakat kubogi finaliga mezbonlik qilmoqda (1992 va 2016 yildan keyin).

7. Piter Xyuistra hozircha Ro'ziqul Berdiev mag'lub qilolmagan murabbiylar qatorini to'ldirib turibdi. "Ajdarlar" ustozi 4-bor bu ishni uddalashga harakat qilib ko'radi.

8. "Nasaf" forvardi Husayn Norchaevda to'ppurarlar poygasining yakka peshqadamiga aylanish imkoniyati mavjud. Buning uchun u "sherlar" darvozasiga kamida 1 bor yo'l topishi kerak. Ayni paytda Husayn hamda "Bunyodkor" vingeri Farruh Ikromovning hisobida 4 tadan gol bor.

Izoh: Agar saralash bosqich o'yinlari ham hisobga olinsa, "Zomin" vakili Muhammad Odilov "bombardir" bo'lardi (6).

9. Bugungi bahs mamlakat kubogining 29-finali hisoblanadi.

10. 17-finalida ishtirok etayotgan "Paxtakor" 14-bor musobaqa g'olibligini qo'lga kiritish uchun harakat qilib ko'radi. Bu borada "sherlar"ning oldiga tushadigani yo'q. 7-bor finalda o'ynayotgan "Nasaf" esa kubokni faqat 1 marta yutgan (2015). Ehtimoliy g'alaba, "ajdarlar"ning "Neftchi"ga etib olishini taminlaydi.

11. Ahrol Risqullaev kubok finalini boshqargan 17-hakamga aylanadi.

1) Final. "Dinamo" to'ladimi?

2) 5 yil. "Nasaf"ning oxirgi finalidan kimlar qoldi?

3) Final. Ravshan Ermatov - mutlaq etakchi

4) Final. "Nasaf" "Paxtakor" bilan nechanchi marta to'qnashadi?

5) Yilning eng yaxshi hakami futboldan qanday ketgan edi?

"Paxtakor" vs "Nasaf" - 11 fakt