Futbolchi faoliyatini Janubiy Koreyaning "Kanvon" klubida davom ettiradigan bo'ldi. Shundan keyin u yangi jamoasiga o'tishi xususida saytimizga o'z fikrlarini bildirib o'tdi.

"Koreya klubi "Paxtakor"ga taklif bilan chiqdi va o'zaro kelishuvga erishdi. Jamoa murabbiyi ham shaxsan menga aloqaga chiqdi. Men ilgari u bilan birga ishlaganman. Shu sababli bu taklifga rozilik bildirdim. "Kanvon" va "Paxtakor" mening transferim bo'yicha kelishuvga erishganidan keyin ushbu klub safiga o'tdim.

Jamoa bilan "1+1" shaklida shartnoma imzoladim.

Bu klubni avvaldan bilardim. Chunki 3 yil davomida Koreyadagi faoliyatim orqali yaxshi tanish edim. Qolaversa, Rustam Ashurmatov bilan ham "Kanvon" xususida gaplashdim, chunki Ashurmatov ham aynan shu jamoa libosida o'ynagandi.

To'g'risi, "Paxtakor"da o'z darajamdan past o'yin ko'rsatdim. Qoniqish hosil qilmadim. Garchi chempionlikni qo'lnga kiritgan bo'lsam-da, individiual tomonlama aytganda, o'yinimdan qoniqmadim. Bunga qaysidir manoda jarohatlar sabab bo'ldi. Jarohat har qanday futbolchini o'sishiga to'siq bo'ladi", – deya so'zini yakunladi Aliboev.

"Paxtakor"dagi faoliyati va yangi jamoasi haqida Ikrom Aliboev qanday fikrda?