Bu haqida jamoa rasmiy sayti xabar qildi:

Jamoamiz tarixining dastlabki yillaridan tarkibga kelib qo'shilgan Pshenichnikov uzoq yillar mobaynida "Paxtakor" darvozasini ishonch bilan qo'riqlab, ishqibozlar mehrini qozondi. 1960-67 va 1972 yillarda chempionat bahslarida 203 uchrashuvda maydonga tushdi. Jami 250ga yaqin bellashuvlarda "Paxtakor" shanini himoya qildi.
Klubimiz va o'zbek futboli tarixida eng yaxshi posbonlardan biri sifatida o'z nomini yozdirib qo'ydi. Murabbiylik faoliyatida esa ko'plab klublarda ishlab, shogirdlar tarbiyaladi.
"Paxtakor" futbol klubi Yuriy Pshenichnikovning oila azolari, yaqinlari va do'stlariga o'z hamdardligini bildiradi. Uning ismi klubimiz tarixidan o'chmas nom olgan va doimo yodimizda bo'ladi.

Qo'shimcha qilishimiz mumkinki, Pshenichnikov Moskvaning CSKA klubi bilan SSSR chempioni (1970), "Paxtakor" bilan SSSR birinchi ligasi (1972) g'olibligini qo'lga kiritgan. 2006 yilda O'zbekiston Respublikasi hukumati tomonidan "Shuhrat" medali bilan taqdirlangan.

"Paxtakor"ning sobiq darvozaboni hayotdan ko'z yumdi