Пойтахт дербисига оид қизиқарли маълумотларни тўпладик.

1. Ҳожимат Эркинов Суперлигадаги илк хет-тригини расмийлаштирди.

2. Тошкент дербисини бошқарган Достобек Мирзараимов Суперлигадаги дебютини нишонлади. Фарғоналик рефери 28 ёшда.

3. Жавоҳир Илёсов бу мавсум 3-жамоадан 1 ўйинда 3 та гол ўтказиб юборди ("Бунёдкор", "Металлург").

4. "Пахтакор" бу йил ўтган пойтахт дербиларининг барчасида зафар қучди. Эслатиб ўтамиз, "шерлар" якуний турда "Бунёдкор" майдонида меҳмон бўлади.

5. "Локомотив" "Пахтакор"ни 2018 йилдан бери юта олмаяпти.

6. "Пахтакор" сўнгги 4 ўйинда "темирйўлчилар" дарвозасига 13 та тўп киритди.

7. "Пахтакор" бу мавсум 10-ўйинда майдонни (камида) 3 та гол билан тарк этди.

8. "Локомотив"нинг ўз майдонида 7 учрашувдан иборат мағлубиятсиз серияси якунланди.

9. ПФЛ расмий сайти маълумотига кўра, Ғуломҳайдар Ғуломов мавсумда 4-бор огоҳлантирилди. Демак, ярим ҳимоячи охирги турда "Насаф"га қарши майдонга чиқолмайди.

10. "Пахтакор" таркибида огоҳлантирилган Фарруҳ Сайфиев ва Аброр Исмоилов ҳам 26-тур баҳсида жамоасига ёрдам беролмайди (ПФЛ).

11. Пойтахт дербисини 911 нафар мухлис стадионнинг ўзидан томоша қилди.

Санжар Турсунов "Сўғдиёна"га қарши ўйнамайди (Қўқондан 11 та факт)

"Пахтакор"нинг йирик ғалабаси қайд этилган пойтахт дербисидан 11 факт