“Manchester Siti” Pep qo'li ostida ilk mavsumda ECHLni 1/8 finalda, keyingi uch mavsum qatorasiga 1/4 finalda o'z ishtirokini yakunlashga majbur bo'lmoqda.

“Qachondir biz yarim final yo'llanmasini qo'lga kiritamiz. Jamoa yillarda davomida ushbu dovonni bosib o'tishga loyiq o'yin namoyish etmoqda.

Bellashuvning dastlabki 20-25 daqiqasida biz hujumlar uyushtirish uchun bo'sh “zona”larni topishga qiynaldik. Ammo ikkinchi bo'limda hammasi yaxshi ketayotgandi. Biz kuchliroq ekanligimizni sezish qiyinmasdi. Biroq bu kabi turnirlarda g'alaba uchun ideal o'yin namoyish etish lozim. Biz ko'p narsani to'g'ri bajarsakda, bu g'olib chiqishimiz uchun kamlik qildi. Muhim vaziyatlarda jarima maydonchalar oldida xatolarga yo'l qo'ydik. Sterling bilan bog'liq vaziyatda gol urishimiz va o'yinni qo'shimcha vaqtlarga o'tishini taminlashimiz lozim edi. Ammo keyinchalik gol o'tkazib yubordik va barchasi tugadi.

Biz ko'plab vaziyatlarni yaratdik, zarbalar yo'lladik. Afsuski, g'oliblik raqibga nasib etdi”, deya Gvardiolaning so'zlaridan iqtibos keltirmoqda BT Sport.

Pep Gvardiola: "Vaqti soati kelib “Man Siti” yarim final dovonini bosib o'tadi. Jamoa bunga loyiq”