"Championat.asia" sayti talqiniga ko'ra 7-turning eng yaxshi darvozaboni - Nizomiddin Ziyovutdinov ("Aral")

"Aral" jamoasi bu turda mehmonda "Xorazm" bilan kuch sinashdi. Shu kuni mezbonlarning bir nechta xavfli hujumlari golga aylanmadi. Bunda iqtidorli kiper Nizomiddin Ziyovutdinovning hissasi katta bo'ldi. O'z darvozasi dahlsizligini saqlab qolgan kiper tur darvozaboni nomiga munosib ko'rildi.

"Championat.asia" sayti talqiniga ko'ra 7-turning eng yaxshi futbolchisi - Frane Ikich ("Buxoro")

Turning gollarga boy o'yinlaridan biri "Buxoro" - "Olimpik Mobiuz" o'rtasida bo'lib o'tdi. Ulug'bek Bakaev shogirdlari raqiblari darvozasiga 4 ta gol urishdi. Ularning 3 tasiga xorvatiyalik himoyachi Frane Ikich mualliflik qildi va xet-trik qayd etdi. O'z-o'zidan tur futbolchisi nomiga "Buxoro" legioneri munosibligini isbotladi.

"Championat.asia" sayti talqiniga ko'ra 7-turning eng yaxshi murabbiyi - Anvar Berdiev ("Sho'rtan")

G'uzorning "Sho'rtan" jamoasi bu turda o'z maydonida chempionat favoriti "Qo'qon-1912"ni qabul qildi. Garchi tarkib va mahorat borasida mehmonlar ustun bo'lsada, hisobda buning aksi kuzatildi. Maydon egalari raqibiga imkoniyat qoldirmadi va kichik hisobdagi g'alabani tantana qildi. "Sho'rtan" bosh murabbiyi Anvar Berdiev Pro liga 7-turning eng yaxshi murabbiyi deb tan olindi.

Peshqadamni yutgan murabbiy, xorvatiyalik legioner va "Aral" posboni - Pro liga 7-tur laureatlari