"Bugun o'yin biz uchun ancha qiyin kechdi. Birinchi bo'limda mezbonlar himoyada bizga ortiqcha hudud qoldirishmadi. Ikkinchi bo'limda esa harakatlarimiz biroz tezlashdi va bir necha vaziyatlar yaratdik. Bo'sh hududlarga chiqib borib, keskin holatlar sodir etdik. Gol urilganda omadliroq bo'ldik. Chempionatda mavsum mobaynida shunday qiyin o'yinlar uchraydi. G'alabadan va uch ochkoni qo'lga kiritganimizdan juda xursandman. Endi bir necha futbolchi milliy terma jamoa safiga yo'l oladi. Biz esa qolgan o'yinchilar bilan mashg'ulotni davom ettiramiz. Terma jamoa yutuqlariga futbolchilarimiz munosib hissa qo'shishiga umid qilaman. O'zbekiston terma jamoasiga omad tilayman", - deydi Piter Xyuistra.

- So'nggi o'yinlarda kichik hisobda g'alabalarga erishmoqda. Bunga sabab nima?
- O'tgan haftada "Qo'qon-1912"ni yirik hisobda yutgandik. Safardagi o'yinlarda shunday bo'lib turadi, bugungidan ancha yaxshi o'ynay olamiz. Yana bir sababi oxirgi 40 kunda 10ta uchrashuvda maydonga tushdik. Juda tig'iz taqvimga ega bo'ldik. Shu sababli bazida pasayishlar bo'lishi tabiiy. Endi yuzaga kelgan tanaffusda jismonan va o'yin taraflama yanada yaxshiroq holatga chiqish ustida ishlaymiz.

- "Paxtakor" jamoasi Dragan Cheranga bog'lanib qolganmi?
- Cheran bugun eng yaxshi o'yinini o'tkazmagandir, lekin u jamoamizning eng muhim futbolchilaridan biri. Bunday o'yinchi safimizda ekanidan baxtiyorman. U kerakli joyda to'g'ri o'ynashni biladi. Balki, Dragan yaqin orada o'zbek pasportiga ega bo'lsa O'zbekiston terma jamoasiga katta foyda keltirar.

Piter Xyuistra: "Oxirgi 40 kunda 10ta uchrashuvda maydonga tushdik"